أحمد حسن وزينب يفتتحان مطعمًا باسم ابنتهما

أعلن اليوتيوبرز أحمد حسن وزينب، عن افتتاحهما مطعمًا خاصًا بهما، يحمل اسم ابنتهم إيلين.

كتب أحمد حسن عبر حسابه الرسمي على موقع تبادل الصور والفيديوهات “إنستجرام”: “بعد بكرة (الخميس) أجمل يوم في حياتنا عشان أخيرًا حققنا حلمنا وهنفتح مطعم (Aileen’s)”.

نرشح لك: 15 تصريحًا لـ أحمد حسن وزينب.. أبرزها عن أرباح اليوتيوب

تابع: “يا رب يكون فتحة خير علينا وبما أنكم عيلتنا التانيه لازم تشاركونا فرحتنا وتكونوا موجودين في افتتاح مطعمنا الساعة 3 العصر يوم الخميس الجاى.. موجودين يوم الخميس من الساعه 3 العصر إلى الساعة 10 بالليل هنستناكم لأن اليوم ده هنخربها تصوير صور وفيدوهات سوا ده غير في مفاجآت كتير هتفرحوا بيها وهتعرفوها لما تيجوا”.

أردف: “مستني وقفتكم جنبنا وتشرفونا يا أحلى ناس في الدنيا عشان اليوم مش هيكمل غير بيكم وفي قرارات قررناها حابب اعرفهالكوا قررنا زى ما هنتاجر على أرض الواقع نتاجر كمان مع ربنا؛ فقررنا أننا نخرج 2 جنيه مع كل أوردر يخرج من المحل أول جنيه هيخرج للفقراء والمحتاجين واليتامى والمرضى وتانى جنيه هيخرج لصندوق تحيا مصر؛ دعما مننا لبلدنا الحبيبه مصر والقرار ده ساري طول ما إحنا عايشين على وش الدنيا إن شاء الله”.