بسبب تصريح "الزعل".. أحمد السقا لـ تامر حسني: قد أكون أخطأت

رد الفنان أحمد السقا، على الرسالة التي وجهها له تامر حسني، والتي علق من خلالها على تصريح الأول بشأن استيائه من كتابة اسمه ضمن أبطال فيلم “الفلوس” على الرغم من ظهوره كضيف شرف في أحد المشاهد.

نشر “السقا” عبر صفحته الرسمية على موقع فيسبوك” تدوينة جاء نصها كالآتي: “رسالة إلى صديق عزيز، صديقي وأخي العزيز تامر حسني، أنت عارف اللي بيني وبينك، عيش وملح وحاجات كتير، قد أكون أخطأت إني اتكلمت في الموضوع على الهوا ولكن يعلم الله كم كنت مجروحا وكم كنت حزينا، مش هطول عليك أكتر من كده ولو أنا زعلت شوية وأنت شوية نبقى خالصين يا عم تامر حسني، احنا اللي بينا كتير ماتزعلش يا عم وحقك عليه، وميعادنا الحفله اللي جاية.. أحمد السقا”.

نرشح لك: “أنا مش هزعل منك”.. تامر حسني يرد على “السقا”

يشار إلى أن تامر حسني، كان قد رد على تصريح “السقا” بالأمس عبر خاصية “الاستوري” الخاصة بحسابه على موقع تبادل الصور والفيديوهات “إنستجرام”: “حبيبي وأخويا وصديق العمر ونجم الدنيا كلها أحمد السقا، كنت أتمنى أنك تكلمني بيني وبينك لو كنت زعلان من أي حاجة أو فاهم أي حاجه غلط، لأن الحاجات دي لا يمكن تفوتك”.

تابع: “وأنا كنت اتمنی مکتبش الكلام دا هنا بس عشان بعد كلامك في التلفزيون الجمهور الكريم بقى ليه حق أنه يفهم الصح، عشان أفكرك بس.. أنت كلمتني وقولتلي في خبر في موقع وعليه صورة افتراضية للفيلم وكاتبين أنك بطل في الفيلم وأنا رديت عليك أن دي اجتهادات صحفية والصورة من تصميم المحبين اللي أكيد فرحوا بالخبر أننا مع بعض، حتى انا مقولتش أن دي الشركة المنتجة لأنها شركة كبيرة ولا يمكن تعمل كده لإن الفيلم متباع للخارج والداخل باسم أخوك تامر حسني”.

أردف: “وأصلا أفیش الفيلم الرسمي نزل والناس كلها شافته وأنت مش فيه ولا فيه اسمك وكل الأبطال طالعين مرسومين معرفش زعلك من ایه الحقيقه كان ممكن تزعل لو الكلام دا نزل على صفحتي أو صفحة الشركة المنتجة”.