أوس أوس لمنتقدي زوجته: "دمّرتوها نفسيا"
علق الفنان محمد أسامة الشهير بأوس أوس على منتقدي ظهور زوجته في حفل زفاف شقيقة الفنان مصطفى خاطر قبل يومين، وهجومهم عليها لظهورها مبتسمة في صور الزفاف بالرغم من وفاة ابنها قبل شهرين.
نرشح لك: أوس أوس يستعيد ذكرياته مع والده الراحل
نشر أوس أوس صورته بصحبة زوجته على حسابه عبر إنستجرام، وكتب: “أنا مش محتاج ابرر واحكى اى حاجه عن حياتى والست اللى قلبى اخترها كنت ساعتها فى اول موسم لتياترو مصر كنا نتقاضى مرتبات مش ممكن تفتح بيت واول ما اتجوزت كنت اقعد فى بيت ايجار كمان انا بس هكتفى بالنقطتين دول علشان اصحاب العقول والنفوس المريضه يعرفوا ويبطلوا نغمه (الفلوس بتعمل اكتر من كده ) الفلوس ممكن تشترى سرير بس ماتشتريش النوم ! ومش انا بس دا اغلب المشاهير اللى بتحسدوهم على حياتهم دلوقتى ماتعرفش بدا من امتى واتبهدل ازاى ولولا وجود حد جنبه بيسنده ويدعمه ماكنش هيعرف يعدى من اى مشكله نفسيه او ماديه فى حياته.. ومش معنى انى بنزل اشتغل او بتصور وانا مبسوط ده معناه انى هموت من الفرحه بس دى مهنتى واجبى ناحيه جمهورى انى اخرجه من اى حزن هو فيه كل ده بعمله على حساب حزنى وجرحى ووجعى انا ..وفى الاخر بتشتم برضه”.
أضاف: “أنا بقول الكلام ده ولن اسمح باى تدخل فى حياتى الشخصيه مره اخرى سواء بالخير او بالشر او دخول اسم مراتى فى اى كلمه من كلام المرضى النفسيين ..مراتى اللى اخوها متوفى و ابنها متوفى وماصدقت اول مره اخرجها نروح مناسبه ودمرتوها نفسيا تانى بكلامكم المريض..حسبى الله ونعم الوكيل فيكم.. حقك عليا ياست الكل.. سكت كتير وكنت بعدى لكن مفيش فايده.. كل واحد يركز فى حياته.. الطموح حلم مشروع عند كل الناس اسعى واتعب وكافح وربنا اللى بيكافئ مش البشر بدل ماتفضل تبُص فى حياه الناس”.
كان أوس أوس قد علق على نبأ وفاة نجله، وكتب عبر حسابه الشخصي على موقع إنستجرام: “إنا لله وإنا إليه راجعون، الله يرحمك يا علي يا حبيبي .. متتعزش على اللى خلقك”، مؤكدًا على أن الوفاة طبيعية، حيث كتب: “كان نايم وزي الفل، ربنا يصبرنا على فراقك”.
تابع: “أسف جداً مش قادر أرد على الرسائل ولا المكالمات ربنا يخليكم، لو بتحبوني من قلبكم دعواتكم لروايدا مراتي ربنا يصبرها ويصبرنا على فراقه ويطمن قلبها وتبقي كويسة بإذن الله ويباركلنا في عمر وقدر الله ما شاء فعل”.