مجدي الهواري عن تكريم مؤمن زكريا: عملنا دورنا

عمر خليل

أشاد المُخرج مجدي الهواري، مخرج العرض المسرحي “علاء الدين” بموقف الفنان أحمد عز بدعم اللاعب مؤمن زكريا، خلال حضوره العرض أمس الجمعة على مسرح “كايرو شو”.

نرشح لك:تعليق “كهربا” على بكاء مؤمن زكريا

قال “الهواري” عبر حسابه الشخصي على موقع التواصل الاجتماعي “فيس بوك”: “صباح الخير.. في كلمتين من قلبي عايز أقولهم ياجماعة.. أولًا: عن الإنسانية الحقيقة أنا متفائل لأن الناس لسه عندها استعداد تتحمس وتشارك وتتفاعل في أي حاجة فيها فعل وعمل إنساني، بس مستغرب أن بعض الناس شايفة الموضوع جديد على الفن.. لا خالص يا جماعة ده هو ده دور الفن.. لأنه ببساطة هو الحياة، والحياة من غير الإنسانية مش حياة”.

تابع: “يا ريت نتذكر أن رسالة الفن مش بسيطة وسهلة زي ما بعض الناس فاكرة لأ دي ضرورية ومهمة جدا لأنها باختصار واجبة الحدوث وبتحرك قلوب ومسئولة عن إسعاد الناس وتقديرهم.. والحمد لله أهو كان مبسوط إمبارح وسعيد بالعرض وتكريمة يبقي كده جون لينا الحمد لله”.

أضاف: “يعني بعد موقف إمبارح اللي هو واجب علينا للنجم مؤمن زكريا لما إتحاد الكورة يقرر يعمل ممر شرفي له في مباراة القمة النهاردة بعد اللي حصل إمبارح، كدة إحنا عملنا دورنا، ده دور الفن ياجماعة بس اللي يفهم.. ثانيًا: الحراق مؤمن زكريا حبيب القلوب والله ده أقل حاجة نقدره بيها، قلوبنا معاه كانت بتتقطع إمبارح عليه.. ربنا يشفيه ويرجعه تاني يمتع جمهوره وكلنا ندعيله”.

أكد: “كل فرقة علاء الدين إمبارح كانت بتعمل دورها في المجتمع برسالة حب من الفن المصري إلى الإنسانية.. اطمنت أننا لسه عايشين والله يا جماعة لما الناس قامت تصقف ربع ساعة علشان بتقدر مؤمن زكريا وقلوبها معاه حاجة جميلة من جمهور واعي مثقف محب للفن ويقدر الآخر”.

اختتم حديثه: “الفنان تحياتي له وتحياتي لكل أعضاء فرقة علاء الدين اطمنت على قلوبكم كل فرقة علاء الدين لما بكيتم اتقطعت قلوبنا.. الحمد لله على نعمة الإحساس، شكرًا فرقة علاء الدين ربنا يجعل دايمًا قيمة الإنسانية في قلوبكم وتكونوا دايما سفراء الفن المصري.. ثالثا: شكرًا للنجم أحمد زاهر حضوره والكلام الحلو اللي قاله عن العرض، تحية منا وحب واحترام وتقدير منا”.

يشار إلى أن اللاعب مؤمن زكريا يعاني من مرض في الجهاز العصبي تسبب له في الابتعاد عن ملاعب كرة القدم، حيث يستمر في الرحلة العلاجية في أمريكا.

يذكر أن مسرحية “علاء الدين” استعراضية كوميدية، ويشارك أحمد عز في بطولتها كل من: محمد ثروت وتارا عماد وسامي مغاوري وهشام إسماعيل وكريم عفيفي ومحمد جمعة، ومن إخراج مجدي الهواري.