أهم 10 تصريحات للسيسي خلال جنازة النائب العام
شارك الرئيس عبد الفتاح السيسي، في الجنازة العسكرية، التي أقيمت للنائب العام، المستشار هشام بركات، اليوم الثلاثاء، بعد اغتياله أمس، بتفجير موكبه، في منطقة مصر الجديدة.
السيسي ألقى كلمة، خلال مشاركته في الجنازة، التي شارك فيها كبار مسئولي الدولة، وعلى رأسهم المستشار عدلي منصور، رئيس الجمهورية السابق، كما حرص السيسي، على أن تكون أسرة الشهيد بجواره أثناء كلمته.
إعلام.أورج ينشر أهم 10 تصريحات للسيسي، خلال جنازة النائب العام.
1- اللي حصل ده كنا عارفين إنه هيحصل.. ومستعدين نتحمل ثمنه بس 90 مليون يعيشوا.
2- قابلت الشهيد في إفطار من كام يوم.. وطالبت بوجود الجميع من القضاء الجيش والشرطة والإعلام.. وده موضوع مش هينتهي بس إحنا مش هنسيبهم.
3- يد العدالة مغلولة بالقوانين.. وإحنا هنعدل القوانين اللي تخلينا ننفذ القانون في أسرع وقت ممكن.
4- مش هنقعد خمس وعشر سنين نحاكم الناس اللي بتقتلنا.. هم بيصدروا الأمر وهم في القفص، وبيتنفذ الحكم.. وإحنا قاعدين ننفذ القانون.. إحنا بنحترم القانون.. بس هنخلي القانون يجابه ده.
5- إحنا لا مرتبكين ولا مهزوزين.. في غضب وحزن نعم.. ولكن إحنا واقفين على رجلينا.. واللي عمل كدة في الفترة دي بيقولنا انتوا مش هتقدروا.
6- لغاية دلوقتي معملناش إجراء استثنائي واحد.. وانتوا متعرفوش إيد الدولة عاملة إزاي.
7- إحنا بننفذ قانون.. هيصدر حكم بالإعدام هيتنفذ.. هيصدر حكم بالمؤبد هيتنفد.. القانون هو اللي إحنا عايزينه.
8- عرفتوا ليه بقولكوا متتكلموش في الحاجات الصغيرة.. عشان اللي حصل إمبارح ودم الشهيد بيقولنا متنسوش إننا في معركة كبيرة جدا.
9- اللي بنراعيه مش الداخل والخارج.. لا.. إحنا بنراعي ربنا قبل كل شيء.. ثم المصلحة الوطنية لمصر.
10- طول ما المصريين على قلب رجل واحد باستثناء أهل الشر مفيش أي مشكلة.. نقف قدام الدنيا كلها.. وبقول تاني محدش يقدر يغلب شعب.
شاركنا الرأي واختار المسلسل الذي قررت أن تتابعه حتى نهاية شهر رمضان للمشاركة أضغط هنـا
اقرأ أيضًا:
10 صور من حلقة “رامز واكل الجو” المسربة
هالة سرحان لرامز جلال: انت حمار؟؟
تحقيقات حول تسريب الحلقة المؤجلة لرامز جلال
تفاصيل اشهر مقولة للنائب العام هشام بركات
هذه القنوات لم تلتزم بالحداد على النائب العام
أحدث تفاصيل قضية زواج صافيناز
لهذه الأسباب لم ننبهر بإعلان بيبسي
10 فروق بين “قوتك في عيلتك” و “هنكمل لمتنا
.