لميس سلامة عن جنازة حفناوي: فيه حاجة بينه وبين ربنا

علقت الإعلامية لميس سلامة على تشييع جثمان الإنفلونسر مصطفى حفناوي الذي حدث قبل قليل، بعد وفاته ظهر اليوم عن عمر ناهز 25 عاما.

نرشح لك: شاهد: تشييع جثمان مصطفى حفناوي

 

نشرت سلامة صورة من جنازة حفناوي على حسابها الشخصي عبر موقع فيسبوك، وكتبت: “كم البشر اللي شوفتهم النهاردة في المقابر اللي جايين يودعوا مصطفي.. وضحكته اللي مكانتش بتفارق وشه معتقدش أنهم هيروحوا من بالي أبدا.. اللي في الصورة دول ربع الناس اللي كانوا موجودين هناك، والله العربيات كانت راكنة لحد قبل المقابر بقريتين، من علي مدخل القرية سامعة صوت دعاء الناس، والدموع في عيون الكل، محدش عايز يمشي.. كل ما نمشي نسمع حد بيدعي نرجع تاني نأمن وندعي وراه”.

أضافت: “الطريق اخد مننا أكتر من ساعتين طول الطريق ناس واقفين مالهمش علاقة بمصطفي ولا يعرفوه بيوصفوا للناس يمشوا ازاي والطريق منين، نيجي ندفع في الكارتة تلاقي اللي بيحصل من نفسه يقولك: مش انتوا تبع الجنازة؟ ويوصفلنا الطريق لوحده، مصطفي أكيد كان فيه حاجات كتير بينه وبين ربنا، حاجات كانت سبب كبير أن علي مدار أربعة أيام آلاف الناس اللي يعرفوه واللي مايعرفهوش كانوا بيدعوله ويصلوله وفي الآخر يحضروا دفنته عشان يودعوه، مفيش نهاية أحلي من كدة ربنا يرحمه ويصبر أمه”.

يشار إلى أن مصطفى حفناوي كان قد أصيب قبل أيام بجلطة في المخ، ودخل على إثرها إحدى المستشفيات، وتدهورت حالته الصحية بدخوله في غيبوبة، حتى توفي ظهر اليوم.

يذكر أن مصطفى حفناوي اشتهر عبر مواقع التواصل الاجتماعي قبل 3 سنوات، بتقديمه لفيديوهات ساخرة وكوميدية عن أحوال وعادات الشعب المصري، والعلاقات العاطفية ما بين الشباب والفتيات، ويتابع حسابه عبر موقع تبادل الصور والفيديوهات إنستجرام أكثر من مليون شخص.