نصيحة إياد نصار للجمهور
وجه الفنان إياد نصار، للجمهور نصيحة أكد فيها على أهمية عدم التدخل في شئون الآخرين.
نرشح لك: إياد نصار يقترح إلغاء جناية التحرش والبديل مستشفى الأمراض العقلية
نشر “نصار” عبر حسابه الشخصي على موقع”فيسبوك” تدوينة جاء نصها كالآتي: “(بعتذر على المثال العلمي اللي هقوله) بس تخيل لو انت قعدت يوم أو خليني أبالغ وأقول تلات أيام ماغسلتش سنانك، أي حد هتتكلم معاه هيعرف إن ريحة بوقك وحشة، بس تخيل إن مناخيرك اللي هي أقرب من أي حد لبوقك مش هتقولك ده، مناخيرك اللي حاشرة نفسها في عيوب غيرك مش هتقولك على عيوبك، عشان دماغنا مكسل ينتقد نفسه والأسهل ينتقد غيره”.
تابع: “الأسهل تحاكم وتحكم وتتحكم وتنتقد غيرك.، وهتفضل مناخيرك مش شامة عيوبك، لأن نقد الذات محتاج تصالح مع الذات، محتاج هدوء، محتاج تشيل مناخيرك من حياة غيرك وتبص لنفسك، تصلح عيوبك، ومالكش دعوة بعيوب غيرك متشتغلش مكان مناخير حد، لو قدرت تعمل كده، هتفهم انت ليه موجود وايه دورك وهدفك، هتبقى إنسان أفضل، وريحة بوقك حلوة، وهتنجح”.
يشار إلى أن إياد نصار شارك رمضان الماضي من خلال مسلسل “ليالينا 80”.
مسلسل “ليالينا 80″، بطولة غادة عادل، صابرين، خالد الصاوي، ميدو عادل، إخراج أحمد صالح، تأليف أحمد عبد الفتاح.