محمد رياض عن بوفيه فرح سنية: "كنا بناكل بجد"

كشف الفنان محمد رياض، كواليس جديدة من مسلسل ” لن أعيش في جلباب ابي”، خاصة مشاهد الأكل وفرح سنية.

نرشح لك: 3 انتقادات لـ”ليه لأ” في 6 حلقات

 

 قال رياض خلال مداخلة عبر سكايب مع برنامج “القاهرة الآن” الذي تقدمه الإعلامية لميس الحديدي على فضائية “العربية الحدث”: “عبلة كامل كانت بتعملنا أكل حلوة جدا، وكل أسبوع بتعمل أكل في بيتها وتجيبه وناكل، فتقريبا كنا بنطرد من الاستوديو بسبب الاكل ده.. أما فرح سنية فكان يوم طويل أوي كان معمول بجدية شديدة.. مشهد البوفيه ده عالمي لأننا كنا بناكل بجد وبعفوية”.

وأبدى سعادته البالغة بمعرفة الجيل الصغير من الشباب به، خاصة وأنهم لم يحضروا وقت عرض المسلسل قائلا: “الجيل الصغير ده أكتر حاجة بتسعدني لما يوقفوني ويسألوني عن عبد الوهاب، مع العلم إن أنا عمري ما اتفرجت على المسلسل كاملا، دلوقت بتفرج بعين المشاهد وافتكر الذكريات الحلوة وقت تصوير المسلسل”.

وعن تفاعل الجمهور مع المسلسل رغم مرور 24 عاما على عرضه قال:” “ذهلت مش بس عشان الفترة اللي المسلسل اتعرض فيها لأول مرة من 24 سنة، لكن لأن المسلسل اتعرض أكتر من 3 آلاف مرة، تقريبا هو المسلسل الوحيد في العالم كله اللي اتعاد عرضه كتير جدا بالشكل ده.. وبعد 24 سنة يبقى تريند!! ده حاجة لازم نتوقف عندها جدا”.