أول تعليق للإعلامي كريم رمزي بعد إصابته بكورونا
علق الإعلامي كريم رمزي، على تجربة إصابته بفيروس كورونا المستجد، والذي كان قد أعلن إصابته به منذ أسبوع، عبر حسابه الخاص على “فيس بوك”.
نرشح لك: إصابة الإعلامي كريم رمزي بفيروس كورونا
قال كريم عبر حسابه على “فيس بوك”: “حلاوة التجربة، كنت مأجل الكلمتين دول لحد ما ربنا يتمم شفائي تماما، بس شوفت أن في حالة سلبية كدة عند كل الناس تقريبا، فقولت أخش أقول كلمتين وأشكركم”.
تابع: “أنا اليومين اللي فاتوا دول في تجربة ربنا ليا بالفيروس، شوفت فيها أحلى أيام حياتي أحلى حب من كل الناس، أنا شفت اللي عمر ما في خيالي كان ممكن يجيبه والله من حب. نفسي أشكر كل واحد بالاسم كلكم ناس عظيمة بس للأسف هنسى اكيد”.
أردف: “أنا الحمدلله بقيت زي الفل وكلها يومين تلاتة وأبقى كويس بنسبة كاملة وده بفضل ربنا ودعواتكم.. هكلمكم لاحقا كتير عن تجربة المرض وسهولتها وازاي تعدي منها بيسر تام بس الأول هقولكم حاجة مختصرة في التجربة دي”.
اختتم: “متخافوش من الأخبار السلبية ربنا بس بيجربكم وبيجرب إيمانكم.. اللي خلق الدكتور والعلاج وخلاك تخف من الأمراض هو الأجدر أنه يخففك مباشرة لو عجز الدكتور أو العلاج”.
