لم تتم عامها الأول.. مصطفى شوقي ينشر رسالة وصلته عن أصغر معجبة

يحرص الفنان مصطفى شوقي، على التواصل مع الجمهور عبر حساباته الشخصية على مواقع التواصل الاجتماعي.

نشر “شوقي” عبر حسابه الشخصي على موقع “فيسبوك” تدوينة كشف من خلالها عن نص الرسالة التي وصلته من أحد معجبيه.

نرشح لك: بسبب رجاء الجداوي.. أيتن عامر توجه رسالة للصحفيين

 

أوضحت هذه الرسالة مدى الحب الذي يحظى به “شوقي” من قِبل طفلة لم تتم عامها الأول، حيث جاء نصها كالآتي: “في حاجة غريبة في بيتنا بسببك بنت أخويا هى عندها شهور لم تتم السنة أنت الإنسان الوحيد المتعلقة بيه أسعد لحظاتها وهي بتسمعك مش هتصدق أنت الحاجة الوحيدة اللي بتشد انتبهاها أكتر من أغاني الأطفال ومش بتتفرج على أفلام كرتون وبنتفرج عليك وهى بتاكل على صوتك وترقص وتصقف على الفيديو كليب ملطشة القلوب ووحشتوني”.

تابعت: “مهما أوصف لم تتخيل حبها ليك وهى طفلة لسه مابتتكلمش أول ما تسمع الموسيقى زى ما تكون عارفه انك اللي هتيجي تغنى تقعد مركزه أوي وترقص كل تليفونات البيت عليها أغانيك وعلى الفلاشة لما تكون مش عايزه تاكل أو مغلسة أو تعبانة أو بتلعب أول ما تسمعك بتتحول لواحدة تانية فرحانة ومبسوطة فيك حاجه لله مهما أقولك ممكن متصدقش بس والله العظيم هي دى الحقيقة دى معجزة”.

أردفت: “عارفة صوتك أكتر مننا واحنا كلنا بنحبك ونحترمك ومن أشد المعجبين بصوتك الرائع وأدائك الراقي ولك منا كل الحب والاحترام نسيت أقولك اسم القطة المعجبة بيك ملك أحمد نوارة أصغر معجبة وربنا يوفقك و نشوفك دايما متألق احنا متابعين كل أعمالك الدعاء للمريض جميل جدا وربنا يجعله في ميزان حسناتك وأبويا وصانى بتلمس القلب وكلها شجاعة وحب للوطن بشكرك جدا لأنك صاحب السعادة للبيت عندنا وخصوصا ملك”.