تامر حسني عن كورونا: "الظروف الجاية أصعب"
وجه الفنان تامر حسني، عبر خاصية “الاستوري” بحسابه على موقع تبادل الصور والفيديوهات “إنستجرام”، عدد من النصائح للمصريين بسبب فيروس كورونا، مطالبًا الدولة بالتدخل وفرض حظر تجول.
قال تامر: ”أخدنا إجازات عشان نحافظ على بعض ونحصر المرض مينتشرش وسطنا، مش فاهم بعض الناس واخدين الموضوع هزار وإجازة وفسح وزحمة رهيبة عادي”.
تابع: “رجاء كل الناس تأمن نفسها من دلوقت ويشتروا لوازم المنزل من دلوقت والمقتدر يأمن الغير مقتدر، الظروف الجاية أصعب والدولة لازم تعمل حظر تجول ده لازم لازم، للي مش واخدين بالهم يا جماعة ده وباء مش وقفة العيد، وحرصنا هيخلينا نخلص منه بدري جدا”.
اختتم: “بلاش خروج أرجوكم إلا لو هتشتروا مخزون البيت وتكونوا واخدين كامل الحذر في الوقاية من الاحتكاك بكل شيء، ورجاء متنسوش الغير قادرين، ربنا يحفظكم ويحفظنا جميعا”.
كان الرئيس عبد الفتاح السيسي، أصدر قرارًا بتعليق الدراسة أسبوعين، بدءًا من اليوم الأحد، للحد من انتشار فيروس كورونا.