علقت شيرين عبد الوهاب على رومانسيتها العلنية مع زوجها حسام حبيب، خاصة في أخر حفل لها بالكويت، والذي طلبت من حسام خلاله حملها ليضعها على الأرض.
تابعت خلال لقاء لها مع برنامج “MBC Trending” عبر شاشة “MBC4″، اليوم الأربعاء، “إحنا طبيعين، وأنا دايمًا بقول أنا شبه الغرب مش الشرق، لأن الشرق بيحسبوا كل حاجة ويفكروا فيها قبل ما يعملوها”.
أشارت إلى أن كل ما يخطر ببالها تفعله وتقوله باستمرار، مُتابعة: “كنت عايزة انزل للناس فأكيد مش هقول لراجل غريب، فجوزي هو اللي يشيلني، فجه شالني”.
من جانبه قال حسام حبيب إن شيرين طبيعية جدًا، مشيرًا إلى أنها ذات الشخص أمام الكاميرا وبعيدًا عنها، واصفًا إياها بالعفوية.
أردف: “ساعات الناس بتلومها على حاجات ممكن متكونش فاهمة بعد الحاجات اللي هي بتقولها، لكن بتقولها بعفوية وأنا بحب عفويتها دي، وأنا اتفاجأت زيي زي الناس وهي بتطلب مني أشيلها وكنت بضحك”.
