"دياب" لـ الشرطة عن متسول: "كنت هرتكب جريمة"

هالة أبو شامة محمد دياب

وجه الفنان محمد دياب، نداء إلى رجال الشرطة، بعدما اضطر للدفاع عن فتاة كانت تبكي بسبب إصرار أحد المتسولين على الحصول منها على المال بالإكراه، مطالبًا إياهم بوضع حد لهؤلاء، منعًا لتكرار نفس الموقف، الذي وصفه بالمهزلة.

نشر “دياب” عبر حسابه الشخصي على موقع التواصل الاجتماعي “فيسبوك”، منشور كتب فيه: “أتمنى هذا البوست يصل لكل اخواتنا وأصحابنا ظباط الشرطة، المحترمين المخلصين في كل ربوع مصر، أرجوكم لا بد من وضع حد للمهزلة اللي اسمها التسول في الشوارع خصوصا من العيال اللي زي البهايم اللي بيتسببوا في رعب وفزع اخواتنا وبناتنا في الشوارع”.

تابع: ” انهارده كنت على وشك ارتكاب جريمة؛ بسبب عيل منهم المجرمين دول، ولا يوصفوا بغير ذلك، الواد ماشي ورا بنت عايز يشحت منها بالعافية والبنت مرعوبة، الكلام ده في شارع لبنان المهندسين مقدرتش امسك نفسي، من المنظر نزلت من العربية كنت هضربه، بس الحمد لله مسكت نفسى عشان للأسف لو كنت ضربته أو عملتله حاجة كانوا هيقولوا بص الفنان بيفتري على عيل غلبان و هو لا غلبان ولا نيله، والبنت تقريبا كانت بتبكي من الخوف وده شارع زحمة جدا وما فيش ولا حد لفت نظرة القرف اللي بيحصل ده طبعا البنت مشيت جري يا حرام، وده كان هدفي إنقاذها من الرعب ده”.

أردف: “حسيت أختي، أو بنتي، أو مراتي، في موقف زي ده دمي اتحرق، أرجوكم يا رجال الشرطة أنقذوا بناتنا من هذا الإجرام”.

محمد دياب

نرشج لك: محمد دياب يعلق على انتقادات إسلام بحيري لمعز مسعود

شاهد: كواليس تصوير مسلسل ” أنا شيري دوت كوم “