برومو

عمرو محمود ياسين يرد على انتقادات “نصيبي وقسمتك 2”

إسراء إبراهيم

علق الفنان عمرو محمود ياسين، على الهجوم الذي تعرض له مسلسل “نصيبي وقسمتك” الجزء الثاني، بسبب مشاهد تناول الخمر التي كان يؤديها الفنان أحمد العوضي، في قصة “نظرة فابتسامة”.

قال عمرو عبر حسابه على موقع التواصل الاجتماعي “فيسبوك”، “ظهرت شخصية زياد أحمد العوضي، وهو بيشرب بيرة في حلقة نظرة فابتسامة، رغم أنه محافظ على الصلاة، فقامت الدنيا ولم تقعد من مشاهدي المسلسل تعليقات ورسائل بتلومني وازاي ومش ازاي !!”.

تابع: “وفي ناس اتهمتني أنه بسييء للدين!!، مع إني أنا اللي مقدم لحظة من فضلك وأنا اللي قدمت دخلة صيف ومهرجان التسول واتقالي وقتها أنت هتعملنا فيها شيخ ؟!، مش عارف أضحك ولا أعيط”.

نرشح لك: “نصيبي وقسمتَك 2”.. 9 قصص في 45 حلقة

أردف: “المهم يا أخوانا، أي إنسان لما بيقرر يعمل شيء معين بيعمله حسب ثقافته ووعيه و قناعاته اللي هي غالبًا مختلفه من شخص لآخر، كل واحد فينا له أسلوب تفكير، مش معنى إنك أنت شايف حاجة معينة فغيرك بضرورة شايفها بنفس الصوره!!”.

اختتم: “إحنا مش زي بعض، أنا هنا بتكلم عن ازاي زياد ده بيصلي و بيشرب!، وانه ده مينفعش، صح مينفعش، بس نموذج شخصية زياد ده موجود، و كتير جدًا، مش معنى إنك ماقبلتوش إنه مش موجود، وأنا حبيت أعرض النموذج ده، ماخترعتوش يعني!”.

https://www.facebook.com/amr.yassin/posts/10161117701585037?__xts__%5B0%5D=68.ARA88oWu9poVtlUCpcwPmz9aq3cW6ahyC1F4caXb8335z6CItGLBDhRaJQ0qVZxDAZG4tvELHqpWmdM3rk7wROzN6uYLmDlItBbv4Q8Dg-wTMWTprD7GGts1DBz4EBpGZl_Ac9dBYO9mZJq_WKGjwNCHZfPHm_F-DGonSZIjPYzpM6EfMbUZ9fA&__tn__=-R

 

أنت تستخدم إضافة Adblock

برجاء دعمنا عن طريق تعطيل إضافة Adblock