مارينا المصري تكتب: دراما كوين (19)

كل سنة وانتم طيبين، رمضان كريم، وفي “دراما كوين” هجيبلكم كل يوم أبرز المقولات اللي سمعت في ودني، من كل مسلسل، واللي شايفة إن بعضها هيعيش معانا سنين قدام، وتعليقي عليها، وحقيقي تسلم إيد السيناريست.

نرشح لك: مارينا المصري تكتب: دراما كوين (18)

1- طايع

-الوجع موت قلبك وشالل عقلك.

(الوجع ده أوحش شعور ممكن يحس بيه الإنسان، الوجع أشكال وأنواع، الوجع بيغير بيموت قلبك وبيشل عقلك بيخليك توجع كل اللي حواليك.. الوجع عامل زي الورم وأسفة على التشبيه بس يا يطلع حميد ويتم استأصاله يا ينهش فيك وتدخل معاه في معركة بقاء).

-ربنا خلقنا علشان نبني ونعمر مش علشان نقتل.

-أنا بيحصلي كل ده ليه؟

*البلاء على قد الإيمان

(على قد الإيمان.. والله لا يجرب بالشرور مفيش شر من ربنا).

2- الرحلة

-الوحوش اللي برة دول، من الوحوش اللي برة دول.

(طب والله ابتديت اقتنع بكلامه… الوحوش اللي برة دول).

-فضحتك الأكبر جواك.

(المفضوحين قدام نفسهم الأسوء على الإطلاق).

3- بالحجم العائلي

-الفجورة

*نفسي أعرف إيه هي الفجورة دي!!

(طلعت اكلة للكبار فقط تنيم الصغير ونصحي الكبير)

-كل واحد من حقه يبقى ليه عيلة.

(وياما عيلة زي الأغراب وَياما أغراب بقوا عيلة وأحباب).

4- كلبش ٢

-في فرق بين المجرم والمسجون.

(كلنا مساجين)

-الملايكة مبتنزلش على الأرض كلنا بني أدمين ربنا باعتنا لبعض.

(دي حقيقة نديم.. أمل في البقاء سعيد ولو لبعض الوقت).

-مش دايما الوطن المكان اللي اتولدت فيه الوطن حاجات أكبر من كدة.

(الوطن بيت و سند وعزة وراحة، مصر وطن بكتير من جنسيات تانية، فيها حاجة حلوة).

-العشق بيذل زيه زي الكيف

(وبيموت زيه زي الكيف برضه).

5- أبو عمر المصري

– هي فطرتك يا أبو عمر

– (ابتديت أحس إن الناس الطيبين دول وراثة مش تربية واللي فترته حسنة دول رزق وخير للأرض).

6- أيوب

– -عرفتي ايه اللي حصل؟

*يارب يكون شر

(يا ساتر ودي تعتبر صلاة!! ربنا مبيسمعش الدعوات اللي من النوع ده أبدا.. لا تستجاب)

-البيت اللي مفيهوش صايع حقه ضايع.

(تصدق اه)

7- ليالي أوجيني

 

-الخوف بيجي على قد الغلاوة.

(الخوف قد الغلاوة والخوف المرضي قلب غباوة)

-انت أول حكاية حصلت تستاهل إني اكتبها واحكيها.

(ياما حكايات بس ولا تتحكي)

-نضايق سوا على الأقل نواسي بعض بدل ما كل واحد مضايق لوحده.

(أهم واحد في زعلك مش اللي بينصحك، لا أهم واحد اللي بيسمعك وبيزعل معاك)

-أنا والله ما عاوزة غير الكلمة الحلوة بس.

(الكلمة الحلوة تهون أي جراح)

-أصعب حاجة على الست لما تعرف إنها خسرت الراجل اللي بتحبه علشان خاطر ست تانية.

(أصعب وجع)