كيف نعت إسعاد يونس علي أبو شادي؟ - E3lam.Com

روت الإعلامية إسعاد يونس موقفًا قديمًا لمرض الناقد السينمائي علي أبو شادي، منذ عدة سنوات، في نعيها لوفاته مساء الجمعة، بعد صراعٍ مع المرض.

نرشح لك – الأرصاد تكشف موعد انتهاء الطقس السيء

أشارت “يونس” على صفحتها الشخصية على موقع التواصل الاجتماعي “فيس بوك”، إلى أنه وبالرغم من تأكيد الطبيب على أنه لن ينجو من مرضه الشديد هذا، بالرغم من محاولات الوسط الفني الذي تجمع الكثيرون منه أمام غرفة العناية المركزة التي حُجز فيها وقتها لإنقاذه، إلا أنه قاوم وشُفي من مرضه، ليموت في موعد أجله الجمعة.

كتبت الفنانة على “فيس بوك”: من شوية سنين ، مش فاكره قد ايه لكن أكيد اكتر من عشرة، تعب علي ابوشادي، قلبه تعب، و لحظتها قلوبنا كلنا تعبت، جرينا بيه علي مستشفي دار الفؤاد، تقريبا الوسط الفني كله كان مرابط علي باب الرعاية و المستشفي، بنتناوب و كل واحد بيحاول يعمل أي حاجة،   كل الناس بكل الاخلاص، بتجري، نشوف حلول ، و كأننا كنّا مدركين فداحة الخسارة، الشخصية و العامة، و مش متخيلين الحركة الثقافية ممكن تمشي من غيره، كنّا يا ولداه فاهمين إننا وصلنا لقاع القاع، طيبين قوي يا خال، وقتها كان المرحوم ممدوح الليثي مثلا رئيس اتحاد النقابات علي ما أتذكر، عرف يوصل لطائرة إس أو إس تنقله علي بره، لكن مانفعش عشان عضلة القلب كانت ضعيفة جدا و مش حمل الطيران و المجهود، دخلت لدكتور كبير كان منصبه مهم استنجد ” علي حالته ايه بالظبط يا دكتور؟ “,  كان موطي راسه حزين و رفعها لما ألحيت عليه ” علي حايموت يا إسعاد ، عضلة قلبه في منتهي الضعف “, الجملة صدمتني و كرهت الدكتور لحظتها، ازاي يجرؤ يصرح التصريح ده؟، حتي لو ليا و لوحدنا، قلتله بيقين ماعرفش جبته منين ” لأ، علي مش حايموت،   علي محارب و مش حاينسحب بالسهولة دي”, و خرجت م الأودة بعصبية كأني بقوله ” حاتشوف “،  و نصفني علي ساعتها و ما انسحبش.

أيوه لكل أجل كتاب، و كل واحد بينزل في محطته اللي مكتوبه من أول المشوار،  لكن ………….. الوجع …………”