الأشعار الكاملة للنقيب الشهيد محمد وهبة - E3lam.Com
نشوى البحراوي
بعد استشهاد النقيب محمد وهبة مع زميليه نقيب شهيد أيمن حاتم، وأمين شرطة شعبان محمد في كمين مدينة نصر، أمس الثلاثاء، أعاد بعض أصدقاء “وهبة” نشر أشعاره وأغانيه، إذ قدم أغنية من تأليفه وألحانه، وكان ينعي فيها زملائه، الذين سبقوه للشهادة.
ينشر إعلام دوت أورج الأشعار الكاملة للنقيب الشهيد:
وقّف الكاميرا بثبات
عشان هتصور
البُعد بالماسافات
دايماً يبان أكتر
وضحكه من سكات
أساس الصوره مظهر
أوعي تقرب عليا
يبان حاجه فِ عنينا
دي معظم الأوقات
من بره بس منظر
**************
ويا تري ده تقل ولا حنيه
ولا ده خوف من حاجه
بتلاعبني بنت الجنيه
ومبقتش فاهم حاجه
تسكت تتكلم تضحك وتُقطم
وانا علي كل حال ماشي
بتخليني خلاص هطاء والطم
واندب واقول يا خراشي
******************
طب بعد كل الحاجات الكتيره اللي عايشين فيها
هتبقي دي ذكري حلوي ولا عادي هتنسيها
مقدرش احكم عليها مع اني عارفني ناحيتها
مقدرش ارمي في خلقتها لتجرحني رقتها
*******************
واللي فات عباره عن طَرح
لشخصيتي وانا معاها
حنين رقيق وأوقات شبح
عمال اتشقلبلها
مش مهم بس تطمن
علي نفسها وهي ويايا
حتي لو عشت في وهم
واثق طول ما ربي معايا
*****************
لكل نغمه وتر
ولكل صوت احساس
ولأوكسترا الحياه
مايسترو مُقتَدِر
إسمه قلب يشوف
يتحدي أي ظروف
ولو نشذو ماسك
نغم مَقَام معزوف
************
في صوت نغمه يرن،،وصوت كمان بيحن،،وحزن ناي الوجع،،يلمهم في الشمل
يعلي ويوطي الصوت،،وكلام يقولوه بسكوت،،ف عنين عازفينها،،بلحن ملهوش حل
*****************
ممكن تشاركيني العرض
ده مسرحي عَ الأرض
بس ليا فيكي سبيل
متعزميش ولا فَرد
مره نكون عازفين
والتانيه مُستمعين
ومره تالته ما بينهم
نعيش سوا فاصلين
************
ابص وأتوه
وانتي قدامي
الاقي فيكي الحنيه
اغمض عيني
وانتي قدامي
الاقي طفله محليه
احاول أفوق
وانتي قدامي
بتزغللي في عينيا
وبسأل ليه
وانتي قدامي
في حيرتي دي هي
اتاري خيالي
وانتي قدامي
خارق قوانين الدنيا
كل ده بس
وانتي قدامي
أمال لو سبتيني ثانيه؟
ياللي جاي تقول مش بفهمك
ياللي شفتني،ايه عصبك؟
مش كنت تبص لمطرحك
بحس الطفل اللي انطلق
يا خوفي تغيرني انا اغيرك
******************
ازاي يكون ذاتك طغيان
ده انا لو أطول أجبلك الدنيا
مين وصلّك إن الكيان
بإستحواذك بين إيديا
اللي إمتلك محبش زمان
مفيش إمتلاك سعادته جايه
الفكره أصلا تجبلي الجنان
لإن القلوب مش ملكيه !!!!
تملي اقول الرحله قبطان
سفينتك، مش ماديه
في إمتلاك كنز الزمان
يتقاله فين المُتعه ديه؟
أصل الوصول للشيئ أمآن
والأمان فيِ جنبه حنيه
يبقي خوفك مني إتهام
فيه رجولتي تبقي إسميه
ذاتك رجولتي دول سِيان
كلام اللي فاض مِ القسيه
*******************
مَبَخبفش مِن حد غير مِنها
واعمل حساب هفوتي معاها
ولا خوفي كان بسبب قوتها
بالعكس كان ضعف جواها
يمكن يكون سَبَبُه وحدتها
أو اختيار اني أراعاها
ومشيت معاها عشت دنيتها
حسيت الجنه فِ هواها
كانت حكايه وطمنتّها
رسمت علي وشها الضحكايه
واللي عجبني فيها برأتها
في حزنها وفرحها آيه
خطفتني ببدايه مشيتها
طفله قويه والنَطه شايلاها
لكن الحقيقه اللي انا نسيتها
اني بشر خطاء ونساها
معرفش ليه خوفها حجمها
خلاها تنفضني جواها
وازاي وليه خوفها ترجمها
إني غريب وعليا قواها
بس اللي عارفه اني حسيتها
شمس الحياه وخوفها طفاها
كان نفسي فرصه بس أطمنها
إستخسرت وسككي قافلاها
ودمعي مش ليا ده عشانها
من خوفي علي دنيا عايشاها
وأخر كلام جاي أقولهولها
يا شمس عمري ما انساها
الشمس شمس ضيها ف نورها
لو مهما ايه الوصف ده لَها
مقدرش اقول هنسي قصتها
إزاي وكان روحي فَدياها
ومعدش غير إني أدعيلها
يا رب سلمها وإرعاها
****************
فوق البدن كساوي كتير
والإختلاف علي التفاصيل
في هدمه زاهية بس فِ المنظر
وتانيه هاديه بفرح قليل
الاغني فاللي استغني مش أكتر
وشكل بره في عينه قليل
ومكنش عيبها جاي فِ المظهر
ولا زوق صاحبها دمه تقيل
كل الحكايا رخص فِ الجوهر
عنده عنين نظرها عليل
عرفت ليه صعب يميل
*****************
دايماً بعيش راضي وهجري هَجر خفيف
ولا معني مرواحي اني شخص ضعيف
دي القصه انا ماشي عفوي بسيط
بين أدبي والضعف شعره رفع الخيط
ولو تعوز حاجه هجريلك قوام
وأكيد هتفهم في يوم جاي قدام
اللي يقدم خير يُقعدله فِ الأيام
***********************
المشكله مش في حاجه م اللي بعملها
مشكلتي اني بسيط لو تعقلها
هاتها من أولها كده بحذافيرها
تلقي الحقيقه عنيكي مش شايفنها
من كتر غُلبك والحاجات اللي شفتيها
اتغيرت بصتك اللي بتبصيها
جميل كلامي؟ مع احترامي بتداريها
الحقيقه وأي ديقه مليش دعوه بيها
أيوه مليش دعوه ولا مشكلتي أنا
أنا قدمت اللي بيه أصون حبنا
مش بس كده واحتوي اللي فاتك
وبدأت أكن جديده الدنيا هنا
مش قلت هنبدأ واحده واحده
ساكت ليه؟مش قلت الكلام ده
لو نسيتي يبقي احب أقولك
اللي بيدي لازم يدي من قوه
مش هقولك والوم واقول عملت
مش هعاتبك واقول اني صدقت
انا برتب كيانك اللي غلّبك
وبخصوصي ده العادي لو فهمت
**********************
اهي هي كده الحاجات الحلوه
تزهّق وتخنق وتبعد نفتكرها
ونقعد نقول هي فين ايامها
بتسألونا ليه بقي عن مكانها؟
انا هقولكم يا حلو ويا حلوه
قلبت عَ اللي كان مستتقلها
فكت عشان تفك من خنقتها
لما حسيتكم مش مقدرينها
دلوقتي فجأة بقي فاكرينها
بعد ما قلتو فيها يا باي منها
طبعاً لما دقتو المُر من غيرها
الفرق بينكم فِ راحه صُحابها
وانت واكلكم اوي نارك ونارها
خليها تاكل قساوة يمكن تطهرها
العيب في قلوبكم ومكنش عيبها
مالكم ومالها ما تسيبوها فِ حالها
بلاش تبقو قاعدين مستنظرينها
***********************
مفيش شاعر يعيش من غير حُب؟
وازاي من غيره هتكتب كتب
فصعب عليا فجأة اقول صدقت
لما الاقي في شعرك اتمكنت
امممم
وتفتكري لقلمي ليه حركت
انا ولا سبحان مقلب القلب؟
اعتقد إن كنتي مش حاسه
فياريت توزنيها بعقلك
اكيد مبيطلعش غير م القلب
بلف الكلام لحد م الاقي الحُب
ما نور القلب لرب القلوب يتحب
فهيبقي نور حبي من نور الرب
**********************
مش كده يا أخي مبتتخدش
عمرها ما تيجي ابداً قفش
ولو حسيت بيها معلش
إنت ليه مبتتعلمش
أُصبر ليه مبتصبرش
أوعي تقولي ليه مَحاولش
والله بحاول ومبعرفش
عيشتي فِ حيره ومبخترش
بين خيارين عايش معرفش
اقولي ده عادي ولا مقولش
اروحلها كده تقول طب كده
لما بتفرح عليها جمال وش
اشوفها أاقولها ومبفكرش
وازاي لله مبكبرش
بحب اشوفها مبتقعدش
مقدرش احسها مبتفرحش
غصبن عني ومبيُغصَبش
كل ده وكلام مبيوصفش
والله صحيح مبأفورش
كله حقيقه ومبكدبش
افهم ايه انت متفهمش؟
طب بعدين،طب مكتبش؟
سبني أقول ،لاء متقولش
من ربنا مَبتّتفَهّمش
كل ما قاوم ،مبينفعش
ايوه مبتتقاومش
يعني حكمت،اه ميحكمش
***********************
خلي اللي ف قلبك يطلع متكتيمهوش
خلي النور يملانا ياريت متطفيهوش
عايز اشوفه ينط بيرقص متقفليهوش
ده بين كل غفله وغفله في حته حلوه
وغافله ليه عنك نورك ونفسك بتحوش
اتنططي العبي فوق الطوب يلا كمان
بقي كل ده من ابسط احساس امان
فجأة تحولي حزنك فرح بشغل جنان
وورا كل جنونه وجنونه حته تفصيله
شايله جواها الضعف والقوه بس تبان
***********************
الحياه مشاوير ولكل قلب نوايا
غرضي فيها فرح دايماً ف نهاية
طول الوقت واقف خايف م البدايه
رافض امشي وممتنع
مبحبش اعمل جدع
في اي رحله مفيهاش أمل أو رايا
مش هطول عليك فِِ الكلام أو أزيد
أعذرني لو بكتب اسلوبي اصله جديد
فيا حته تمرد ومكسّر التقاليد
كلامي محتاج تأني
مَ البدايه مكنش عني
ده عنك انت ولا تحتاج لها تأكيد
عايز أقولك حاجات كتير فِ الكلام
وخايفك تمل أو تقول اه ده فنان
متمكن بقلمه ومتحسش،مش حرام؟
كلامي كان باديئ بفكره
أعذرني لو توهت منها
ياشمس فِ طريقي خَرجت الولهان
**************************
انا محفظه فاضيه يتشال فيها الفلوس
يقوم يجيلي جنيه بس شكله متعوس
أضرب كف علي كف واقول دي فلوس !
الف بيه ايام عشان اصرفه مخصوص
فشلت لحد ما جيت وقررت اني منحوس
ويوم ورا يوم يجيلي متينات بالزوف
ابص للجنيه عشان مفكش المصروف
ميرضاش حد بيه وفْ جرابي ملفوف
اتعودت عليه معايا فِ كل الظروف
طب يا عم الجنيه مالك ساكت قول
قول انك حزين يائس كده علي طول
رد وقال رغم شكلي بس مش مغلول
جوايا ابيض ،ازاي كده بجد معقول؟
رغم اللي فيه بس عملت فيا معمول
حليت بيك حاجات ملهاش حلول
لحد ما في يوم جالي فرصه اخلص
واشتري بيه اللي نفسي فيه وانجز
بصيت عليه بحزن كعاده المخلص
رد عليا الشاري وقالي ياريت نخلص
اديته ليه واخدت اللي ف نفسي بس
ورجعت همدان وراحت عيني ف النوم
ولما فتحت ابص صبحت فجأه مصدوم
فين الجنيه فين راح يخربيت ده يوم
افتكرت اني بعته لواحد بس من يوم
بين فراقي وفراقه يوم ملاني هموم
ونصيبي ونصيبه بعُد ووجعي مكتوم
روحت اسأل الشاري اشوفه عامل ايه
رد قالي راح لصاحب نصيبه يا بيه
كان في ايدك مقسوم لغيرك،طب إيه؟
مالك حزين ومهموم إنت إتعودت عليه؟
ايوه ده لو فقير العشره متهونش ع البيه
بس برضه هفضل اسأل واجي أطمن عليه
مستوحاه من فكره مقال لـ إسلام شاهين
********************
مرضيش ياكل لأنه صايم
رمضان بطوله
مش هو، ده صاحبه المسيحي
مزلعش من علو الأذان
في الليل بطوله
مش هو، ده صاحبه المسيحي
مرضيش يقوله عيد سعيد
وقفت في زوره
مش موريس ده قلب ضَلمه
نسي ان اللي عرفله رب
في قلبه نوره
شايل معاه دايماً محبه
الصَدَقه كلمه وهي حكمه
قالها رسوله
ودي نصيحه اخوه المسيحي
Maurice Samir
**************
نفسي أروح أسكن
وزعت كتير ف كروت
ساعدوني إن أمكن؟
كل اللي كان مكتوب
اللي يلاقي يرن
لفيت ودايره كعوب
أوصفلي أروحله يا عم
هتمشي حبه يا دوب
وتقعد ف أول خُن
ملحقتش إنت تدوب
إهدي وبطل زن
مش فارقه أي بيوت
أنا نفسي بس تكن
أصبر ده مهما يفوت
أكيد لبيت هتحن
بطل يا عم برود
دماغي دي بتون
يا ريت مسمعش صوت
لحسن عليك هتجن
وايش فهمك في الزوق
حتي البيوت فيها فن
مش مسأله بيت فوق
أو بحري فَ انسي الهم
ولا بيع وشروة سوق
هرتاح منين، تضمن؟
وانا مهما اشوف ف بيوت
هقف وأقول شكراً
مضمنش أمضي صكوك
وختمها بيُختم
والقلب عقد عقود
زي البيوت جداً
وبقلبي بيت مربوط
لو المالك يفهم
************
كبرت واديته قيمه
وهو ولا الهوا
قفّلنا مع بعضينا
لقيت هيجبني ورا
وحب ابن اللذينه
وقصته مأفوره
بَلَفُه بِقلّه قيمه
والدنيا صغيره
ونهايته جت قديمه
متعوس وخايب الرجا
سيناريو فيلم سيما
وملوهش تذكرة
إسمه ابن اللذينه
ودماغ بتجرجره
وعحبي
*******************
جواك سما ما يطرش فيها طيور
جواك حياه ولا عمرها تتهزم
قلبك مجره حواليه قلوب بتدور
وقمرك ينور طريق خطاوي القدم
ولا تقدر لمعه عيوني تقول
وتوصف إيه وفيك خيالي إتعدم
-فكره Sherwit M. Khaleel
**********************
في كل قصه كنز تلقي حارس وقاعد
المتعه في الرحله وإلا المعني باهت
مفيش حاجه غاليه فجأه كده ضاعت
ده عيب عنين إشترت يا إما عين باعت
*******************
هات كراستك خطط ارسم
ولا بيعيب إن كنت بتحلم
بس الأولي قبل ما تندم
نقي مسند ليها ومَرسم
******************
مشواري كان فِ الشوارع والحارات
عماير ايه! انا مش قد الانجازات
ماشي بدور علي كل الذكريات
إنجاز بحلم صاحبه ملتزم السكات
مكتومه أوجاعه وسنينه فيها اهات
شكواه بتطلع بس لرب العباد
بين كل بيت وبيت معاني ابيات
مثلاً تبص علي اصحاب محلات
اللي عارضه بضاعتها والمشتريات
ادفع معاها الضحك والسلامات
اللي شاري محاوطاه التحيات
ده المملي دهب كله تحصينات
مفيش غالي سهل النيل والمراد
منطق عجيب، ده ناس أغراب!!
كملت مشي ابص ع البشوات
برضه متشابها فِ الاختلافات
يدوب خلاف حبه تفصيلات
والمعني واحد مهما زادت البصمات
اللي ساكت وكله غالي فِ ثبات
بيدي للمحتاج حتي لو ذكريات
ضحكه نصيحه كريم اللحظات
ميبخلش علي حد ما ياما داق
داقه حلو ولا مُر المهم انه داق
غناه في نفسه وملتزم السكات
واللي بايع أي حاجه ده بذات
تلقي حواليه ملاين البصات
يا تحسد يا تكره فِكرْ ماديات
مفرقش بينهم غير شويه تغيرات
واحد معاه والتاني لا، كلهم احقاد
مليانه الدنيا تملي تقسيمات
وازاي يعيش قلب كله سواد
بنلبسه لو في يوم حد مات
وأغلي خبر صفحه الوفيات
بس برضه حلو حبه حاجات
زي اللي فيها المعنويات
معاه ولا معهوش كله نثريات
كرمه وقعدته أسعد الأوقات
لما يدي لغيره ميقلش هات
ميستناش غير من رب العباد
واوعي تيجي علي ده بذات
لاحسن بدعوه يهز سبع سموات
و فِ النهايه زي كل الحكايات
تلاقي كل حاجه فيها مهاترات
وخلصت الدنيا والعمر عدي وفات
ولكله حسابه، فاد بإيه الصراعات؟
***************
حبُه وشافه كل حاجه
مع إنه شافه ولا حاجه
يقوله الوصال يعند ويتمادي
يا ريته حتي استكفي
اهانه وشاف انه تحفه
بضحك قاله حل بقي
متمسليش ياخي السذاجه
وفاجأه حَبْ تاني بزياده
وسابه الحد بعد كل ده
أو داس عليه بتَتَساوي
لفي يا دنيا ودوخينا
ذنبنا بتخلصيه لينا
مقالش حسبي لله فِ عباده
زعل عليه ووجعه اوجاعه
لو قلب حب ثابته أوضاعه
شاري لله كل اللي باعه
مشفش ده كان حقه
اتمني يجبر بخاطره
قلبه بربه واصله دعائه
خاف وقال اللهم لا شماته
اللي بقلبه فهم الخلاصه
ميفهمهاش اللي يتناسي
الجنه والنار مش غيب
موجودين جوه القلب
تبين قلبي إيه أساسه
وخلصت القصه بكل بساطه
***************
قصه دنيا وخير مثال
خلاف في صوابع نفس الكف
ملناش فيها الا خيال
راسم صوره ملهاش وصف
ولما لقاه سابه وقال:
انك عادي أقف ف الصف
اللي انا عايزه أحلى خيال
مفيهوش غلطه وفوق الوصف
عمر ما دايم شيئ علي حال
وسنه دنيا تدور وتلف
*****************
كان في حكايا زمنها بعيد
طفل وجه الدنيا جديد
يحلم بس بجري ولعب
مبيعرفش الزيف والكدب
ببرائه يصرخ ويزيط
كبر الطفل بقلب فيه قوه
كان شوفه خارج من جوه
بص لبره لقاها عجيبه
ناس بتحارب بس الطيبه
حست نفسه إنها مش هو
وقف الفكر طب يعمل ايه
لازمه قرار ياخده بإيديه
يزيد الخير اللي جواه
ولا يقول لازم اناسه
ومش ده إللي اتمناه
كل شويه يصيبه الهم
من عيشه فيها ناس بتغُم
يبعد يهدي عشان يرتاح
يرجع من حزن بينزاح
دايرة وعمرها ما تتلم
وفي آخر الحدوته قرار
قبل الليل ما يزيله نهار
ساب طفله بس مستور
بيشوف هو بس النور
ومخبي الطيبه في اسرار
********************
ياللي قلتي كلامي قِله يدوب
ياللي شفتي أخري كلام مكتوب
عايق نفسي لابس ليكي التوب
بهري لإنك قافله الدروب
هَرُد بِرَدْ مبعدش فيه عَ الذوق
ايوه صح انا بيكي مضروب
بخبط بإيدي فيا يمكن أفوق
دائي سمك ودائه ليكي أدوق
انتي فتنه تكّفر حبه ذنوب
يارتني أقهرني وفيا عنك أتوب
*****************
يا بيوت
بتفرش أراضي سجاد
رايح جاي
في قلوب
مردوم عليها تُراب
تعيش ازاي؟
**************
خلاص مبقتش عايز اشوفهم
هنسي مش هجيب سيرتهم
وأسأل نفسي لو عادي
شاغله دماغي ليه قصتهم
*********************
البعد والقرب مش مسافات
ولا كتر كلام أو سكات
وإن حتي قلت النظرات
أو كان فيه فراق
*************
مبنبصش في ايه فات
ده ف حلاوه روح الذكريات
وايه حي وايه مات
ف مش اختلاف أراء
****************
ياما ناس معاها سنين وننسي
وناس تعدي سنينها لحظه
ودول مهما نكون رافضين
مستمرين نحسهم لسه
*****************
محرمتش
ومهما حصل مبيهمش
يسيب يرجع ولسه يا قلبي مزهقتش
ولو كان باله مشغول
بعيد عني لا يمكن اقول
بوجدله أي حلول
متتحلش
***********
بيطاردني ضلها
ف كل حتي بروحلها
ولما تطلع شمسها
ألاقي ضلي فِ ضيها
ما ليها بس ظاهرلها
ومن كُتر ما إشتقالها
نفسه يروح ويقولها
بس خايف بعدها
تجرح وآه من جرحها
ورغم كُل بعُدها
مليش غير أمل حبها
ف قلبي ولا في زيها
ولو جه يوم وأوِصِلها
هروح بس وأقولها
للأرض شمس وحدها
بتحيا من طلها
*************
والدنيا ايه غِير إتنين
دايماً كده بين البنين
يا حَاجه عايزينها راحت
يا حلوه بس مش عايزين
ولا جايز احنا تايهين
بعد ما عدي كتير سنين
عن نفسنا ولا دريانين
فنسأل روحنا إنتي فين
مفيش اجابه تملي العين
وطلعنا احنا المقّسومين
مش نص واحد ولا نصين
من كترهم والله ماَ حاسبين
وليه بقي دايماً شاغلين؟
بالنا بحد واحنا ضايعين
كان كلامي عنهم، فاكرين؟
و بعد كده قلت اتنين
وراها سؤال إني مين؟
لاء كده جبرت وأمين
ما طلعنا احنا المغفلين
وساعات نحسنا مجانين
ونحتسبها لرب العالمين
**************
والدنيا ايه غِير إتنين
دايماً كده بين البنين
يا حَاجه عايزينها راحت
يا حلوه بس مش عايزين
ولا جايز احنا تايهين
بعد ما عدي كتير سنين
عن نفسنا ولا دريانين
فنسأل روحنا إنتي فين
مفيش اجابه تملي العين
وطلعنا احنا المقّسومين
مش نص واحد ولا نصين
من كترهم والله ماَ حاسبين
وليه بقي دايماً شاغلين؟
بالنا بحد واحنا ضايعين
كان كلامي عنهم، فاكرين؟
و بعد كده قلت اتنين
وراها سؤال إني مين؟
لاء كده جبرت أمين
ما طلعنا احنا المغفلين
***************
حلاوه الزعل
في الطبطبه
لما بشوف
دِمعه قُريبه
فَ بتبقي قصه
ليا مُتعبه
بتقسِيِ لضعف
وضعفي مرجله
تتوجعي أنقّص
وتبقي مُعضله
يعني بيكي
معني الجدعنه
ممكن تسمحي
أطبطب بقي
كَ فرصه أحس
ب كياني أنا
ويبقي كده
إتحلت المشكله
**************
بيوقف القلم عن الكتابه
لما يبقي الحمل بزياده
ولسه برضه
مش بكتب مفيش تغير
تملي فاكرُه
ولا بنسي بصبر جميل
مهو أصله
مش إنشا ولا ت عبير
كل ما أقوم
عشان أكتب عن حكاويها
يسرح خيالي
أجي أتكلم أقف بعديها
بعيد وبزيد
أقف تاني وأهو ده ت عبير
******************
ده حب كبير
يدوّب قلبي ف ليالي
مفيش تغير
عايش حالي وأنا مالي
بحال الغير
ولسه فاكر ولا ناسي
خاطر ت عبير
*************
نقول ياما
إيه فينا بألف طريقه
وبتوقّف
معانينا وجع الديقه
ومش لاقي
وسيله أنسي بأي طريقه
غالبه الملامه
احساسنا وساعات نغلبها
و واقفه حاجه
ف قلوبنا وبتغلّبنا
مين غالب
حكم القلب ومش بسيطه
*******************
إللي عرف يعني ايه لما يحب يدي
غير اللي جاي ياخد حتي لو يَدي
ميقولش ايه المقابل لما اخده عندي
فرق سرعه بين اخد وعطاء معدي
اهو دول اللي لما نقف عندهم نهدي
نلمسهم برقه ولطف لما عليهم نعدي
رقتهم توجعها أقل حاجه رقه بتندي
إتعلم الحب قبلا وجايز ربنا يهدي
*********************
سكت ملكوت العالمِين
في عز شتا مليان حنين
يدوب بس نور شمعتين
وحبه حطب معاها قايدين
ف لحظه صفا تسرح عنين
متسألهاش ساكنه فين؟
بيتها هناك بين شطين
شط الفراق وشط الحنين
******************
شايفها صورته بعيد هناك
وكام تفصيله
ف شويه مذكرات
واه عليها لما الذكريات
ترجّع دفا بعد اللي فات
ده فات وفات حبه حاجات
*****************
من ساعه ما كنت بردان
لمست قلبي لقيتُه دفيان
ف لحظه نسيت اني انسان
غايب مغيب ف استجمام
لو فِ حد بص عليا
يشوف جماد بس ولهان
عايش ف عالم النسيان
******************
هز صوت البرد شباكي
رِجعت تاني بعيني باكي
ملقتش بيت وشمع وحطب
اتاري بيتي هي ذكرياتي
والشمع عين تنور اهاتي
ونار الحطب سبب فراقي
وساقعه شتا مليا حياتي
*******************
قرب جرب شوف المسرحيه
يا ست يا بيه فرصه مجانيه
عرض بفصول إسمه الدنيا
مش هتحس بيها زمنها ثانيه
فرقه وسقفه ومفاجئه مخفيه
إهدي بس يا ريت تصبر عليا
عارف انك شايفها قصه عاديه
عبيط وقال بيوضح شر نفسيه
دي كل كارثه لازم تبقي مداريه
يا بخت اللي دخل السهره ديه
رقصه عرايس ع انغام السميمه
مربوطه بسلاسل لمعتها دهبيه
فيها اللي يكره لمعه يقول عنيا
وتاني تخطفه الخطفه اللي هيا
والكل فيها مايل ودي الفوليه
فاكر نفسه حر وصاحب قضيه
صاحب مبداء ورافض العبوديه
ومين يا موكوس حر ف الدنيا
كلنا عرايس ف مسرحها مرميه
مربوطه بفتله وأخرتها جايه
عند رب العباد قصه مش بإديا
فيها اللي شاف حقيقته ورديه
وفيها اللي قال مين الخلق ديا
جمهور بيضحك ضحكه محليه
فوّق لهتروح ف ألف داهيه
مليون فقره ولسه فقره جايه
ارجع لربك الليله مش معديه
******************
مصدرش مني حاجه
ولا قلت حتي إنتي
أصلها تبقي سذاجه
لو حسيت إني بفتي
ومين يا حببتي كامل
مبالك قلبي حبك
والقلب مش بيدي
حبيت بس أوصلك
إنتي إيه عندي
وإني برضه حد عاقل
ومش كده كل الحكايه
ولا دي البدايه والنهايه
أنا بدعي تبقي معايا
وأكمل حياتي معاكي
وأما بخصوص تبريري
ده عشان بس تطمنيلي
إني هشيلك ف نني عيني
بأفعالي تبقي مدفياكي
والله ما عايز اتكلم عني
ولا اشكر وأصل وفصل
ده بيكي نصي بيكملني
يعني من غيرك أنا أأقل
وإيه تاني ممكن يتقال
عارف إني شيئ ناقصني
أنا بس بحاول أوصل
صحيح أنا واثق لكني
مش فيا فيكي بالمجمل
وبدعي إمتي يجي الوصال
********************
غربل نفسك ف غُربالك
غربّل
تلقي نفس ف نفسك
إتأمل
هما اتنين حلو وشر
يتخلل
زود حلوك ووقف شر
يتنَقّل
فيك وغيرك وكل الخلق
إعقل
عشان تعيش إمنع اللي
يقتل
ده غربال اللي عايز للصح
يوصل
غير كده شيل وفاكرها
بقي فل
هو في مصدوم مكنش
مغفل
إعقلها كده وعلي الله
توكل
*******
وفيها ايه
لو مشاعرنا متفقين
بسكوت تقول
اننا دايبين
ان شالله لو
نقول بعدين
نداري ليه
عن بعضنا الاحساس
ونعمل ليه
حساب الناس
وكل شيئ
باين خلاص
*********
هو ضروري اعرفك؟
عشان اجي افرحك
لما الفرحه تشرِحك
اكني اللي مطرحك
قصتي مش قصتك
تمليَ قلبي طاقه
لما اشوف بسمتك