ملك زاهر عن شقيقتها ليلى: هي الأنجح في جيلنا

تحدثت الفنانة ملك زاهر عن الانتقادات التي تتعرض لها شقيقتها ليلى، موضحة أن كثرة الانتقادات تعد نجاحا.

قالت "زاهر" في مداخلة هاتفية في برنامج "تفاصيل" المذاع على شاشة صدى البلد 2: "ليلى من أكتر البنات اللي ناجحة في سنها، في جيلنا ده هي أنجحنا، في حتة كده لوحدها ما شاء الله مش بقول كده علشان أنا أختها".

نرشح لك: إسعاد يونس: فكرت أكتب قصة حياتي.. ولكن!

تابعت: "لو حد مش ناجح مش هيتعرض لكل الانتقاد ده، لو كل الناس هتنتقد حد يبقى أكيد كل الناس دي بتتفرج عليه، فهي كده ناجحة، أنا بشوف إن ده نجاح ومش حاجة وحشة".

وبسؤالها عن الارتباط، قالت: "أنا مركزة في شغلي دلوقتي والحاجات دي بتبقى قسمة ونصيب، مستنية الشخص الصح المناسب، علشان أنا برضو طيبة وهبلة وقلبي أبيض، فأنا أول ما هلاقي الشخص الكويس اللي هيعاملني زي بابي هرتبط بيه على طول".

يذكر أن آخر أعمال ملك زاهر، هو مسلسل "محارب" بطولة حسن الرداد، أحمد زاهر، نيرمين الفقي، ناهد السباعي، ماجد المصري، ملك أحمد زاهر، محمود عمرو ياسين، محمود الليثي ومن تأليف محمد سيد بشير وإخراج شيرين عادل.

تدور أحداث المسلسل في إطار شعبي اجتماعي حول حسن الرداد الذي يظهر في دور سواق ميكروباص، ولكن تمر حياته بالعديد من الأزمات، كما أنه سيظهر من أصول صعيدية ويهرب من الثأر، كما يجسد أحمد زاهر شخصية محامي، أيضًا يقدم تامر عبدالمنعم شخصية محامي ولكنه يتوفى في الحلقات الأولى من العمل.