محمد أنور: عرضت علي أدوار بطولة ورفضتها
قال الفنان محمد أنور، إنه عرض عليه خلال السنوات الأخيرة عدد من أدوار البطولة في أعمال سينمائية مختلفة، لكنه رفضها.
تابع “أنور” خلال مداخلة هاتفية مع المذيعة لينا الطهطاوي في برنامج “كلاكيت” عبر إذاعة نجوم إف إم: “اتعرض عليا في الخمس سنين اللي فاتوا أعمال كتيرة أدوار بطولة لو كنت قبلتها كان زمان عندي رصيد أفلام كبير، لكن كانت كلها أعمال أنا حاسس إنها مش هتضيفلي.. أنا أكيد عاوز أشتغل، لكن عاوز حاجة تخليني أخد خطوات في مهنتي”.
نرشح لك: فيفي عبده عن محمد رمضان: “منقدرش نقول ربنا بيرزقه ليه؟”
أضاف: “وكمان عاوز أدوار تبين إني بمثل مش بس بعمل كوميديا، يعني حتى لو بضحك بس يكون في تمثيل كمان”.
في سياق منفصل، قال الفنان محمد أنور، إنه أخذ بنصيحة الفنان أحمد عز، بأن يمارس الرياضة ويذهب إلى صالة الألعاب الرياضية حتى حتى يتمكن من تقديم أدوار الأكشن.
قال “أنور” خلال لقائه في “راديو الرابعة“: “أحمد عز بيقولي دايما أنت تقدر تعمل اللي أنا بعمله، بس حط نفسك في المكان ده وخلي المنتجين يشوفك بالشكل ده، وقالي أنت لازم تبني نفسك وتخليه هو اللي يتفاجئ بيك، وده اللي بدأت أعمله”.