ريهام سعيد لفتاة المول : أنتي متعرفيش عارفين عنك إيه ؟ - E3lam.Com
نفت الإعلامية، ريهام سعيد، ما قالته فتاة المول “سمية عبيد”، أن فريق إعداد البرنامج سرق صور شخصية من هاتفها المحمول، وعرضها في البرنامج، مما إعتبرته الآخيرة، إنتهاك لحرمة الحياة الشخصية.
وقالت سعيد، خلال حلقة مساء اليوم، الأربعاء، من برنامج “صبايا الخير”، والذي يعرض على قناة “النهار” : “لو تعرفي أنا شوفت وعرفت إيه، مكنتيش تقدري تطلعي تتكلمي على التلفزيون، الحاجة الوحيدة اللي خلتني أمسك نفسي من أني أقدم بلاغ، وأطلع أرد بشكل يردلي إعتباري في ثانية، إن عندي بنت، قاعدين تتشالوا وتتحطوا عرضت صور شخصية ومش شخصية، مش هي متصوراها ؟ أنتي متصورة بالمايوه على الشط، هو أنتي لما كنتي لابسة كنتي حوالين ناس ولا حتة مهجورة؟، مش كان في طرف تالت بيصور؟، ولا أنا بس اللي وريت الصور دي للناس، هل الصور دي كانت في أوضة نومك؟ أنتي بتضري نفسك لأن أنتي تعرفي اللي أنا أعرفوا، بس على جثتي مش هقولوا، لو قطعتي فيه أنتي والفشلة اللي معاكي لحد 100 سنة مش هقولوا، مش هقول اللي عندي ولا اللي عرفتوا ولا اللي وصلتلوا، عشان بنتي”.
واستكملت سعيد : “أنا مقولتش إنها مش محترمة، أنا إتكلمت في نقطة، أن في فرق بين أبقى ماشية في حالي، واحد يعاكسي وأضحك لواحد وأوريلوا كتفي وأقولوا تعالى وأروح شاتمة، في فرق بين ده وده، هل أنا قولت أن أخلاقك وحشة ؟ قولت أنك على علاقة براجل ؟ أنا صعب عليه الناس اللي بتقطع في الراجل، هو أنتوا كل مرة يحصل فيها ضجة، لازم أمشي على التيار ولا أبقي أنا وحشة ؟، إحنا مش هطل، لازم كنت أقول أنها كانت ماشية في حالها، فهو جاه وكلمها وكان سابقها فهى قالتلوا هجبلك الأمن فضربها بالقلم، وندخل إحنا مستشفي المجانين”.
وأضافت سعيد : “اللي جالي واللي وصلني بعد كدة، بيقول أن كلامك مش صح، أنا من إمبارح خافية تليفوني، حفاظاً عليكي، مش همسحهم عشان دول دليل برائتي الوحيد، ما أنتي بتقطعي فيا، لو الحاجات دي طلعت في ناس كتير هتعتذرلي، شيلوا ريهام سعيد من دماغكم، النهاردة البرامج متكلمتش عن الإنتخابات وإتكلمت عن ريهام سعيد”.
وقالت ريهام : “اللي بتعملي ده هيضرك، أنتي متعرفيش إتبعتلنا وعرفنا إيه، بنصحك لوجه الله، تحبي أعرض حاجة على موبايلي وتشوفي اللي معايا ؟ أنا لو إنسانة سوية هحط صور على موبايلي … بلاش بس أنا مش هتكلم عشان عندي بنت”.