كلمات أغنية "خارج سليم" لـ نور الدين محمد
طرح الفنان نور الدين محمد أغنية "خارج سليم" حيث تولى كتابة وتلحين الأغنية.
تحمل الأغنية طابعاً عميقاً وصادقاً يعبر عن خيبات الأمل والصدمات العاطفية، وتحديداً لحظة إدراك حقيقة من حولنا وسقوط الأقنعة.
يُذكر أن الفنان كان قد حقق نجاحاً كبيراً بعد طرح أغنية "كائن تلاتيني"، والتي تصدرت التريند وعبرت بصدق وأسلوب قريب للقلب عن نبض وضغوط جيل كامل.
وجاءت كلمات أغنية خارج سليم كالآتي:
ما سَنَدّتونيش
وأنا بقع كله رجع ملحقتونيش
ووقفت تاني لوحدي تاني قدرت أعيش
ولحقت قبل العمر ما يضيع عال مفيش
فما تدّعوش
إن انتوا كنتوا معايا بس متكدبوش
اللمة طلعت زحمة عالفاضي وفشوش
لابسين وشوش فوق الوشوش فوق الوشوش
أنا مش عبيط
أنا كنت مستني ألاقي طرف خيط
يظهر حقيقة قلبكوا البحر الغويط
والحمد لله إن أنا خارج سليم
خارج سليم
أنا مش عبيط
أنا كنت مستني ألاقي طرف خيط
يظهر حقيقة قلبكوا البحر الغويط
والحمد لله إن أنا خارج سليم
خارج سليم
جايين لمين
فجأة افتكرتوا اسمي إيه وكنت مين
دا أنا كنت بتمنى السؤال يا ممثلين
تشهد رسايل مني ليكوا عليها سين
وما رديتوش
فما تعملوش دلوقتي فيها ما تعرفوش
مستكترين إني اتعافيت يا قلوب وحوش
عايزين نصيب في الجاي زمان ما كفاكوش
أنا مش عبيط
أنا كنت مستني ألاقي طرف خيط
يظهر حقيقة قلبكوا البحر الغويط
والحمد لله إن أنا خارج سليم
خارج سليم
أنا مش عبيط
أنا كنت مستني ألاقي طرف خيط
يظهر حقيقة قلبكوا البحر الغويط
والحمد لله إن أنا خارج سليم
خارج سليم
نرشح لك: كلمات أغنية "يا عم نام" لـ نور الدين محمد