نجاح "أكتبلك تعهد".. بهاء الدين محمد يكشف سبب عدم عمل المطربات معه
كشف الشاعر بهاء الدين محمد، عن سبب عدم تعاونه مع المطربات خلال الفترة الأخيرة، مشيرًا إلى أن نجاح أغنية «أكتبلك تعهد» للفنانة أنغام، كان هو السبب.
كتب عبر حسابه على موقع التواصل الاجتماعي فيس بوك: "كتير بيسألوني أنت ليه مابقيتش تنزل مع مطربات؟
ومضطر أحكيلكم اللي حصل بعد كارثة نجاح أكتبلك تعهد اللي دفعت تمن نجاحها بكل الطرق!
مطربة نجمة اتصلت تباركلي أيامها على النجاح وشكرتها وفوجئت تاني يوم إنها لغت الاستوديو لأغنية مهمة!
ومطربة نجمة اتصلت بيا ومش عاجباها أكتبلك تعهد وعاملتها بكل ذوق احتراما لغيرتها وبرضه لغت أغانيها معايا!
ومطربة نجمة كنا بنحضر ٦ أغاني وفجأة لغت كل أغانيا
ومطربة نجمة كانت عايزة أكتبلك تعهد راب ولأني اعترضت على اللحن لأني عارف الشكل اللي لازم يحاوط كلماتي واتضايقت ولغت باقي شغلي ومانزلش
والمطربة اللي قالت لملحن بهاء الدين محمد بيحب أنغام أكتر مني
واللي واللي واللي..!".
تابع: "وهي دي المواقف اللي إتعرضتلها وتم عزلي رغم إن نجاح الأغنية المفروض يكون خير على كل صناع الأغنية
ولكن لأن فكرتها مهمة إتاخد مني مواقف كتير!
وكأنه عقاب ودفعت التمن لوحدي!
هي دي الحكاية بإختصار جدا
بس أنا محترف ومتعود على كده بعد كل نجاح زيادة!
بس أوعدكم بكام أغنية لكام مطربة مش منهم الفترة الجاية إن شاء الله
وأعوضكم كل فترة الصمت اللي ماكانتش بإيدي".