"كنت هجيب فلوس منين؟".. الصيدلي مينا جرجس يكشف سبب عمله كـ "دليفري"

تصدر الصيدلي مينا جرجس التريند خلال الساعات الماضية بعد ظهوره كعامل دليفري عبر تطبيق "طلبات"، ليكشف عن أسباب لجوئه لهذا العمل، فيما أكد نقيب صيادلة القاهرة أن النقابة تواصلت معه وقدمت له عدة فرص عمل بديلة.

أوضح "جرجس" في حواره مع برنامج "تفاصيل" المذاع على شاشة "صدى البلد" وتقدمه الإعلامية نهال طايل، سبب عمله كعامل دليفري، قائلاً: "اشتغلت في (طلبات) عشان جت عليا فترة أُجبرت على كده.. كنت هجيب فلوس منين؟ شغلانة واحدة مش هتكفي، ومش عيب ولا فيها حرمانية".

كما تحدث عن طبيعة العمل، مضيفًا: "هي مش صعبة، زيها زي أي شغلانة.. كل حاجة فيها الحلو والوحش، وأنا كنت راجل بحب اللف "فراك"، فـ استغليته في الشغلانة دي".

تابع موجها رسالة للجمهور خلال حواره، قائلا: "ماتتخيلش أبدا إن فيه حاجة إيجابية أنت هتعملها وفيه رب اسمه العدل مش هينصفك.. لا هينصفك، خليك واثق إن هو العدل".

ومن جانبه أشار نقيب صيادلة القاهرة إلى أن جرجس كان متفوقا دراسيا في مجاله كطبيب صيدلة، قائلاً: "كان من علّامة الدفعة بتاعته، وبيحب مهنته، لكن في 2017 حصلت له ظروف وساب الصيدلية بتاعته".

كما كشف عن تدخل النقابة لتوفير بعض الفرص له: "تواصلت مع شركات أدوية، و5 منهم قالوا ييجي يستلم الشغل، والمرتب كان مجزي، لكن هو رفض".

لفت إلى وجود بديل آخر مضيفًا: "كان فيه بديل آخر كنت مجهزه، شركة طبية بتتابع المريض وتهتم به، بس من البيت.. عرضوا عليه ينضم ليهم، ووافق، وزملاؤه دعموه بكل الحب والحنان".