حفيدة إسماعيل ياسين تحسم الجدل: جدي لم يمت فقيرًا!
كشفت سارة، حفيدة الفنان الراحل إسماعيل ياسين عن الحالة المادية لجدها قبل وفاته، وذلك ردا على ضرورة تفعيل حق الأداء العلني للممثلين، مؤكدة أنه لم يمت فقيرًا.
قالت "ياسين" خلال حوارها مع الإعلامية لميس الحديدي في برنامج "الصورة مع لميس الحديدي"، المذاع على شاشة" النهار": "كان عنده 200 ألف جنيه في البنك ساعتها، والضرايب تحجز عليهم في فترة المسرح، لأن المسرح كان بيجيب إيرادات كبيرة جدًا، فالضرايب كانت بتدخل على الحساب وتعمل حاجة اسمها تقدير جزافي، يعني تدخل على الحساب تسحب الفلوس على طول من غير ما تاخد إذن حد".
أضافت: "مش معقول يكون عنده المبلغ ده ويقولوا عليه فقير.. هو متوفي في فيلا في الزمالك في شارع 26 يوليو، وموجود اسم إسماعيل ياسين عليها لحد دلوقتي، مكونة من دورين حوالي 7 أو 8 غرف".
استكملت حفيدة إسماعيل ياسين: "كان عنده عمارة بتاعته في محمد مظهر، كان بيمتلكها لحد وفاته.. كل ممتلكاته موجودة ونقدر نقول مستواه المادي قل، لكن هو ماكانش فقير".
أشارت "ياسين": "كل ده حصل نتيجة قلة اهتمام المنتجين، لأنهم انصرفوا عنه شوية، وهو اتأثر واتجه للمسرح واهتم بيه، وفي الآخر المسرح خسر لنفس الأسباب".
اختتمت: "أنا مع حق الأداء العلني لأن التمثيل ده مهنة حرة، ومفيش تأمين اجتماعي ولا طبي ولا معاش.. ده حق وملكية للممثل".