دانا آدم: أنا وحسام حسن حبينا بعض من أول يوم
كشفت دانا آدم، زوجة حسام حسن المدير الفني لمنتخب مصر عن تفاصيل أول لقاء جمعهما، مؤكدة أن قصة الحب بينهما بدأت من النظرة الأولى، فيما روى حسام حسن كواليس اللقاء الذي جمعهما صدفة في مارينا عام 2015.
قالت "آدم" خلال لقائها في برنامج "معكم منى الشاذلي" المذاع على شاشة "ON"، وتقدمه الإعلامية منى الشاذلي: "إحنا حبينا بعض من أول يوم.. لقطت إنه واقف قدام الأوتيل، فروحت سألته أنت حسام ولا إبراهيم؟ لأني عاملة استعدادي إنه لو إبراهيم مش هتكلم وهمشي".
أضافت: "كنت معجبة بيه اوي، فلما سلمت عليه ومشي بالعربية، شوفته بيلف براسه وإن عينيه رايحة معايا وأنا ماشية، فقولت دي هتبقى قصة حب ولا إيه".
ومن جانبه، قال حسام حسن في اللقاء نفسه: "اتقابلنا صدفة في مارينا في 2015.. كان عندي معسكر مع النادي المصري، فشوفتها واتصورنا واتكلمنا مع بعض، وروحت غارز بقى".