خيري بشارة يكشف سبب اختيار عمرو دياب لبطولة "آيس كريم في جليم"
كشف المخرج خيري بشارة عن سبب اختياره عمرو دياب وسيمون لبطولة فيلم "آيس كريم في جليم"، موضحًا أهمية توظيف الأغاني في أعماله الفنية.
قال "بشارة" خلال لقائه مع المذيعة همسة إمام في برنامج "من إمبارح للنهاردة"، المذاع على راديو "ميجا إف إم": "فيلم (كابوريا) صعب يتكرر تاني.. وأنا مش بحب عرض الواقعية القاسية في السينما، لكن مش بحجر على عرض الواقع بشكل قاسي".
أضاف: "الأغنية في الفيلم بتبقى أقوى من أي كلام، لأنها عبارة عن شحنة عاطفية قوية، عشان كده بفضل أطعم بيها أفلامي".
كما تحدث "بشارة" عن كواليس فيلم "آيس كريم في جليم" قائلًا: "استفتيت الناس اللي حواليا في اختيار البطل والبطلة، ورشحولي عمرو دياب وسيمون، وساعدوني أختار أنجح ناس للفيلم".
اختتم: "كان حماقة مني إني أكتب اسمي تحت جملة (التركيبة الغنائية والدرامية والإسلوبية والإخراج) في تتر الفيلم، عشان خوفت جهدي يتسرق، بعد ما بذلت جهد استثنائي".