مصطفى زيكو باكيًا: أنا كنت بنام في الشارع!
روى مصطفى زيكو لاعب منتخب مصر، تفاصيل مؤثرة عن رحيل والده، متحدثًا عن علاقته به، وكيف كان يسانده في عمله منذ الصغر.
قال "زيكو" خلال لقائه مع الإعلامي عمرو أديب في برنامج "الحكاية" المُذاع عبر شاشة "mbc مصر": أنا مكنتش شغال في محل أحذية.. أنا كان عندي محل ملابس بتاع والدي".
تابع: "كنا بنفرش في الشارع في مكان زي السوق وكنت أنا اللي بقف على الفرشة.. علاقتي بوالدي كانت قوية اوي، فكنت أروح أتمرن الساعة 8 الصبح وأرجع أقف على الفرشة عشان أريحه".
أضاف: "هو سابنا في 2011 وكنا 4 أخوات مع والدتي.. الست دي عظيمة واتبهدلت وعملت حاجات مفيش راجل يعرف يعملها".
أكمل: "أنا كنت بنام في الشارع واصحى أروح الجامع استحمى وبعدين أروح التمرين وأرجع أكمل شغل في الشارع".