كلمات أغنية "وقولت سلام" لـ نبيل
طرح المطرب نبيل آخر أغانيه، والتي تحمل اسم "وقولت سلام" عبر حسابه الرسمي على موقع "يوتيوب".
أغنية "وقولت سلام" من كلمات مصطفى ناصر، وألحان تيام علي، وتوزيع إلهامي وأدهم دهيمة، وماستر هاني محروس.
جاءت كلمات الأغنية كالآتي:
نزلت قابلته ومفكر بإن زعلنا متبخر
ولما هقوله آه واحشني أكيد هيقولي وأنت أكتر
بمد إيديا قالي مفيش مابينا حاجات عشانها نعيش
ببص في عينه شوفت دموع
ببص في قلبه مالقيتنيش
وقولت سلام وأنا في قلبي بداري إني أتوجع قلبي
يا بكرة وهو مش جنبي مفيش أيام
مشيت وكرامتي منعتني أبيّن حاجة وجعتني
ياريتني فضلت وياريتني ماقولت سلام
ياريت في طريق يرجعني ليوم ما كلامه ضيعني
وكنت هقوله يستنى وأحايل قلبه يسمعني
هتيجي يا دنيا وتروحي ومش هتلمّي يا جروحي
ليه يومها عملت حساب للناس وماعملتش حساب روحي
وقولت سلام وأنا في قلبي بداري إني اتوجع قلبي
يا بكرة وهو مش جنبي مفيش أيام
مشيت وكرامتي منعتني أبيّن حاجة وجعتني
ياريتني فضلت وياريتني ماقولت سلام