محمد الصاوي: قعدت 3 أيام بعد وفاة ابني مفيش دمعة عايزة تنزل من عيني

كشف الفنان محمد الصاوي عن أصعب لحظات مرّ بها في حياته، والمتمثلة في فقدان نجله، موضحاً أنه دخل في حالة من الصدمة جعلته عاجزًا عن البكاء لمدة ثلاثة أيام كاملة منذ تلقيه الخبر.

قال "الصاوي" خلال لقائه ببرنامج "الستات مايعرفوش يكدبوا" المذاع عبر قناة "cbc" وتقدمه الإعلاميتان منى عبد الغني وإيمان عز الدين،: "فترة لما استقبلت خبر وفاة ابني، قعدت حوالي 3 أيام مفيش دمعة عايزة تنزل من عيني، بس ماكنتش حاسس بالدنيا.. كنت تايه".

أضاف: "هو كان لسة متخرج وطالع الـ 3 على دفعته في كلية هندسة، مفيش أسبوعين وجه خبر وفاته".

استكمل: "أول دمعة نزلت من عيني وأنا بعمل عمرة، أحمد بدير ربنا يديله الصحة من الشخصيات المحترمة إنسان خدوم جدا، فوجئت إنه طلعنا عمرة من غير ما أعرف".

أشار إلى: "عدى سنة وكنت عايز أعرف مين اللي طلعني العمرة دي، وكنت كل ما أسأله ينكر ويقول مش فاكر، وبعدين عملت أنا عمرة ونزلت في نفس الفندق وسألت المدير مين اللي طلعني العمرة قال لي أحمد بدير".

اختتم: "عندي إحساس إن ابني إبراهيم في مكانة أجمل، وشوفت له رؤية إنه كان راكب سفينة وإحنا بنحاول نقرب وهو بيوقفنا كأنه في دنيا جميلة".