أحمد سعد: لما عملت حاجات طبيعية مكانش ليا وجود في الحياة!
رد الفنان أحمد سعد على الجدل الذي يصاحب إطلالاته الأخيرة، خاصة بعد ظهوره الأخير بلحية بها ربطات شعر.
قال "سعد" خلال لقاء مع "عرب وود": "لوكاتي أنا عارف كويس جدًا إن الناس بتتكلم وبتقول بتثير الجدل، الناس بتتكلم على أي حاجة حلوة، لما بتشوف صورة حلوة ومهندمة، لو بيحطوا عليها لايك، كنت لبست كده دايمًا طول عمري".
نرشح لك: بعد الجدل حول حالته الصحية.. سبب تغير مظهر وائل كفوري
أضاف: "هل دي شخصيتي؟ أنا بقيت زي الطيار لما بيلبس بدلة الطيار؛ ده لبس الشغل بتاعي، أنا ما بلبسش كده مع أولادي، أنا لما ببقى خارج مع أولادي ببقى شخص مهندم، وببقى شخصية تانية مختلفة تمامًا".
أردف: "هو أنا لو لبست بدلة وببيونة، هيشوفني في الصورة ويرفعها لفوق ومش هيتكلم عني؟ لو الناس ما بتحبش كده، أنا أكيد مش هعمل كده، الناس ما بتتكلمش أو ما بتهتمش غير بالحاجات الغريبة".
اختتم أحمد سعد حديثه: "وده بقى جزء من شغلي، إني أقدم محتوى الناس مهتمة بيه، وتبقى متحمسة إنها تشوفني بعمل حاجات غريبة وكده، لكن أنا لما لبست الحاجات دي كتير، ولما غنيت الأغاني دي كتير، ولما عملت حاجات طبيعية كتير، ما كانش ليا وجود أصلًا في الحياة".