لم يستطع السباحة.. محمد عطية يروي موقفا طريفا بعد فوزه في ستار أكاديمي
شارك الفنان محمد عطية، الجمهور من إعلان كان قد صوره بعد فوزه في برنامج المواهب ستار أكاديمي.
نشر "عطية" الفيديو عبر حسابه على موقع "فيسبوك" وكتب: "بعد ما كسبت ستار أكاديمي.. بيبسي تعاقدت معانا عشان نعمل إعلان مشترك مع إليسا واحنا كنا ساعتها مع شركة بتختار لينا كل حاجة، رحنا على مكان التصوير ومش عارفين تفاصيل كتير وكانوا عاملين إليسا مفاجأة لينا والمفروض المخرج إيطالي وحد مهم جدا وواخد فلوس كتيرة ووقته محدود وبغض النظر عن إن أنا والمذيعة عاملين نفس التسريحة بنفس الألوان ودي حاجة مريبة فشخ المخرج الصبح جمعنا وبيشرحلنا الجزء الأولاني من الإعلان إن المفروض فيه مسابقة على آخر علبة بيبسي وأنا بكسبها بالتصويت وبعدين بيخطفوها مني وبتقع في المية، لحد هنا وتمام وأنا زي الفل".
تابع: "جه بقى الجزء بتاع إليسا اللي المفروض بتيجي على قارب وأنا بهرب معاها وبسيبهم كبطل مغوار وكده فجيت في الآخر المخرج بيقول يلا عشان ننط.. قلتله ننط فين؟ قال في المية.. قلتله أنا مابعرفش أعوم.. الراجل فضل يسب ويلعن بالإيطالي وأنا متأكد انه جاب سيرة أمي ورمى الميك وحالته تأزمت.. وقعد يسأل طب عطية بيعمل ايه تاني طيب.. قالوله المفروض انه كوميديان و كده.. فقال خلاص لبسوه عوامة ما هو لازم ينط ويهرب باليسا".
اختتم: "وقد كان لبست عوامة وموجودة في الإعلان زي ما حضرتكم شايفين والنطة اللي نطتها نطة طنطاوي في ترعة و تحسني بقول يا سيد يا بدواااااي و أنا بنط .. يعني خدوني لبنان وجابولي اليسا ولكن لا زال الفلاح بداخلي ينبض كقلبي بلا توقف".