ولدت بدون أنف.. تطورات الحالة الصحية لـ ابنة معاذ عدلي

كشف البلوجر معاذ عدلي عن تفاصيل الحالة الصحية لابنته التي ولدت بعيب خلقي نادر، موضحًا أنها ما زالت تعاني من مضاعفات متكررة في الرئة أفقدتها القدرة على تحمل العلاج.

قال "عدلي" عبر حسابه الرسمي على موقع "فيس بوك"،: "عندها عيب خلقي في الرئة بيعمل لها تجمعات هوائية، ولازم كل شوية يفتحوا فتحة في جنبها عشان يسحبوا الهوا".

أضاف: "الموضوع اتكرر أكتر من 10 مرات، وبقت رافضة الكانيولات، ودخلنا من كام يوم لقيناهم مكتفين إيديها ورجليها".

استكمل: "بيحصلها على مدار اليوم أكتر من حاجة.. زرقان، ضيق تنفس، وحاجات عمرنا ما هنعرف نسعفها فيها".

أوضح: "بقالها 90 يوم في المستشفى وخلاص هتخرج بكرة.. المستشفى عايزة تخرجها لأنها بقت ضغط عليهم ومفيش في إيديهم حاجة".

أشار: "أنا مبسوط أنها هتخرج، وحاسس إن ده خير لنا، وربنا هيكرمنا لأنها كبرت ومحتاجة تتشال طول اليوم ومحتاجة حنية".