حازم إمام: الزمالك محتاج جمهوره!
وجه حازم إمام، مسؤول قطاعات الكرة بنادي نادي الزمالك، رسالة لجمهور الزمالك بمناسبة عيد الأضحى المبارك، مشيدًا بكل ما بذلوه من أجل نادي الزمالك.
نشر "إمام" مقطع فيديو عبر حسابه الرسمي على موقع التواصل الاجتماعي "فيس بوك" قال فيه: "كل سنة وأنتوا طيبين، عيد مبارك علينا جميعًا يا رب، وعيد أضحى سعيد علينا جميعًا. النهاردة وقفة عرفات، يا رب كل واحد يدعي وإن شاء الله نكون كلنا صايمين".
تابع: "أيام مباركة وحلوة، كلنا مبسوطين وبالأخص طبعًا مشجعي وجمهور الزمالك اللي بحييهم وبشكرهم، ودلوقتي بقت الكلمة الدارجة (جمهور الزمالك العظيم)، هو فعلًا عظيم، ومش مجاز على فكرة".
أردف: "السنة دي فعلًا بان قد إيه قيمة جمهور الزمالك؛ الماتشات السنة دي والدوري والأزمات اللي إحنا كنا فيها كان دايمًا العامل المشترك الوحيد هو جمهور الزمالك، هو اللي بيعمل الدافعة للاعيبة، ودايمًا جمهور الزمالك عند حسن الظن ورافع راسنا على طول".
أشار: "النهاردة بنتكلم على أبليكيشن (زملكاوي) والاشتراك فيه، أنا عارف إنه عامل شغل كبير جدًا في المدرجات.. فاللي يقدر ومعاه، محدش يطلع حاجة غصب عنه، محدش يبقى مش لاقي ويحط، اللي معاه واللي مكفي بيته ومكفي أسرته.. يطلع".
أضاف: "الزمالك محتاج كلنا نساعد.. أبليكيشن (زملكاوي) شوفنا اليومين اللي فاتوا ساعد في حل بعض الأزمات.. فاللي يقدر، يا ريت نساعد كلنا نادينا نادي الزمالك، وكل سنة وأنتوا طيبين".