محمود سعد: لا أحب مشاهدة نفسي.. ولا يعجبني صوتي ومظهري!
رد الإعلامي الكبير محمود سعد على سؤال هبة شلبي، رئيس تحرير برامجه، الذي تقول فيه: "إيه أكتر حوار ليك بتحب تتفرج عليه؟".
قال "سعد" خلال فيديو نشره عبر حسابه الرسمي على موقع تبادل الصور والفيديوهات "إنستجرام": "لأ، أنا ما بقدرش أشوف نفسي، لأن لا صوتي عاجبني ولا شكلي عاجبني.. ودي نعمة كبيرة، عشان محسش أن أنا حاجة.. مقدرش أقول أني عملت حوار قيم، لكن ده رأي يقوله الناس".
نرشح لك: موعد حلقة مي عز الدين في "صاحبة السعادة"
وعند سؤاله عن أبرز من حاورهم وأعجب بحديثهم، قال: "كتير من الناس اللي بقابلهم في الشارع بيخلوني أحس بأسى، وأننا لصوص وهم الشرفاء.. إحنا خدنا من الحياة اللي ينجينا ويساعدنا ويخلينا كويسين، وهما فضلوا بؤساء، وبيزدادوا بؤس".
تابع: "مش ضروري أكون غني بس مبقاش محتاج.. ووجود محتاجين في بلدنا إهانة لكل واحد.. لازم يبقى في فقراء دي سنة الحياة، لكن مش سنة الحياة الناس تبقى محتاجة!".