أول تعليق من محمد دياب على تصريحه المثير للجدل بشأن محمد رمضان

علّق المخرج محمد دياب على تصريحه المثير للجدل بشأن الفنان محمد رمضان، والذي انتشر على نطاق واسع عبر مواقع التواصل الاجتماعي، مؤكدًا أنه لم يقصد الإساءة، وأن حديثه تم فهمه بشكل خاطئ واقتطاعه من سياقه.

قال "دياب" خلال استضافته في بودكاست "السبت الممتاز": "محمد رمضان كان باصص كده من أول اللقاء.. وأنا كنت أقصد أننا مختلفين، أنا بتاع الأفلام اللي مش دايما تجارية، ومحمد بتاع الأفلام التجارية".

أضاف: "دي غلطتي أنه ما اتسمعش كده.. وبقالي 3 سنين بتكلم أنه محمد موهوب وملتزم وأحسن واحد، لكن دي تم اقتطاعه بشكل مقصود بسبب حروب السوشيال ميديا لما الفيلم نزل".

أشار: "ده أنا بقوله أنت هتبقى عالمي.. محمد لو اتكلم بالإنجليزي، هيشتغل في (هوليوود)".

كان المخرج محمد دياب" قد قال في برنامح "الحكاية" عن تعاونه مع محمد رمضان في فيلم "أسد": "كنت مرعوب إني جاي من (Moonknight)، والناس هتقولي وريني هتعمل ايه.. ورايح أشتغل مع مين؟! مع محمد رمضان! اللي تركبيتنا مختلفة.. بس محمد جوهرة يطلع منها أكتر".

الجدير بالذكر أن يعرض حاليًا بالسينمات للفنان محمد رمضان فيلم "أسد"، ويشاركه البطولة علي قاسم، رزان جمال، ماجد الكدواني، إسلام مبارك، أحمد داش، وكامل الباشا، وهو من تأليف خالد دياب وشيرين دياب، ومن إخراج محمد دياب.