ليلى أحمد زاهر: كان نفسي أخلف ولد!

علّقت الفنانة الشابة ليلى أحمد زاهر على تصدر خبر حملها الترند مؤخرًا، معبرة عن سعادتها الكبيرة بانتظار مولودتها، رغم أمنيتها السابقة بإنجاب ولد، ومؤكدةً حماسها الشديد لخوض تجربة الأمومة لأول مرة.

قالت "زاهر" خلال حوارها مع "ET بالعربي": "أنا متحمسة جدا وبنعد الأيام.. وأنا كان نفسي في ولد، بس لما طلعت بنت اتبسطت برضو.. بكمل سلالة العيلة بتاعتنا.. عشان إحنا 4 بنات".

من جانبه قال هشام جمال: "أنا متحمس جدا، وأكيد خايف.. بس أعتقد أننا مستعدين، وبحس أن ليلى أم، ومن الأول كانت بتساعد في تربية أخواتها، وبشوفها إزاي بتاخد بالها منهم.. فـ إن شاء الله نعرف ناخد بالنا من البيبي".

كما تحدثت ليلى أحمد زاهر عن شعور والدها بعد خبر حملها، قائلة: "هو مصدقش نفسه طبعا، عشان أنا صغيرة جدا، وهو مش مصدق أن بنته الصغيرة اللي لسه متجوزة بقيت حامل".