كلمات أغنية "داخل الأربعين" لـ خالد عليش
طرح المذيع خالد عليش أغنية جديدة بمناسبة عيد ميلاده الأربعين، بعنوان "داخل الأربعين" عبر موقع الفيديوهات يوتيوب.
الأغنية من كلماته وألحان طارق عليش.
نرشح لك: كلمات أغنية "طمني" لـ كارول سماحة
جاءت كلمات الأغنية كالتالي:
داخل الأربعين
وايدي ماسكة الفيتامين
ضهري محتاج لمرهم
وتركيزي ضايع ودماغي عايزة نفتالين
وأنا مالي أنا
بده كله أنا
أنا كنت صغير
حلمي إني أكبر
كبرت مش فاهم حاجة
بس مش هينفع أصغر
دهون ثلاثية وكوليسترول
عاملة معايا الصح وزيرو كونترول
مبروحش الجيم ولا في دماغي
وحقن ممبار وعادي
شعر راسي ده مفيش
دقني أبيض جريش
أنا ولا في دماغي حاجة
أعصابي جوة التلاجة
بحب اعيش حياتي عادي
ولسه بتوه برضو في المعادي
أنا ولا في دماغي حاجة
ولا فارق معايا حاجة
هي الدنيا أصلا مش مستاهلة حكاية
يا دنيا واحدة واحدة
أنا مش مستعجل
عمالة تنفخي فيا
وأنا من جوايا عيل
الحلو على الدائري
اول ما شافني جري
اكمنه لسه نونو
وعضمه لسه طري
وأنا واقف هنا مستني
ومحدش جه وقف جنبي
انتي فين اصلا وانا اجيلك وقتي
ونغني سوا انا وانتي
بالحب اهو
الاربعيني اهو
شوجر دادي اهو