بالدموع.. نادية مصطفى تكشف كواليس لقائها الأخير بـ هاني شاكر
كشفت الفنانة نادية مصطفى عن تفاصيل اللحظات الأخيرة في حياة الفنان هاني شاكر، موضحة أنها عايشته حتى دخوله العناية المركزة، ومؤكدة أن رحيله يمثل خسارة كبيرة للفن ولجمهوره في العالم العربي.
قالت "مصطفى" خلال مداخلتها الهاتفية عبر برنامج "الستات" المذاع على شاشة "النهار" وتقدمه الإعلامية سهير جودة ومفيدة شيحة،: "بعزي زوجة هاني شاكر وأولاده وأحفاده والوطن العربي كله، مش هيتنسي، هو قال نسيانك صعب أكيد، وفراقه كمان صعب جدا.. أنا كنت لآخر لحظة عندي ثقة إنه هيبقى كويس، مش قادرة اصدق إن حصل عكس كده".
أضافت: "لما دخل مستشفى الصفا في مصر أنا روحت له وكان بيتكلم معانا وبيهزر ويضحك، وفجأه حس بحاجة وجعته واتقلب على جنبه، ودخل العناية المركزة وعمل عملية، وكانوا مانعين عنه الزيارة عشان المناعة".
أستكملت: "كنا في رمضان، وكنت بروح له بعد الفطار، وماكنش بيقدر يتكلم.. قولت لزوجته سلميلي عليه، حرك شفايفه وقال الله يسلمك يا حبيبتي، حسيت وقتها باحساس مش قادرة أوصفه".
أشارت: "هاني بالنسبة لي ماكنش فنان بس، هو نموذج للفن الحقيقي اللي إحنا بنفتقده، ووجهه مشرفة لمصر.. أنا وهو وزوجته كنا أكتر من أخوات وكنا مع بعض على الحلوة والمرة".