أحمد سعد: راضٍ عن كل قناعاتي.. وأشعر بالنصر
قال الفنان أحمد سعد إنه يشعر بحالة كبيرة من الرضا، مشيرًا إلى أن هذه الحالة ليس السبب فيها ما حققه من نجاحات بل أنه قدم كل ما في استطاعته.
قال "سعد" خلال فيديو نشره عبر "إنستجرام": "أنا عندي حالة رضا شديدة جدًا دوقت حلاوتها، وحسيت أنها لازم تفضل موجودة معايا، وده مش لأني نجحت لكن لأني عملت اللي عليا".
تابع: "أنا راضي عن الحاجات اللي نجحت والحاجات اللي ما نجحتش، وحاسس بالرضا عن اللي وصلت له وقناعاتي وكل حاجة بعملها".
أضاف: "بس المشكلة أنك بتتحارب، ومش من بره، لأن الحرب من بره دي أسهل شيء في العالم، لكن الأصعب الحرب من جوه.. أنت تقدر ولا متقدرش؟ وإيه الشواهد اللي بتقول أنك ممكن توصل، وبصراحة ومكنتش بلاقي حاجة غير موهبتي، واللي كان بيخليني أتغلب على ده أني بعمل اللي المفروض أعمله".
أشار: "أنا لما وصلت للحلم اللي كان نفسي أوصله، حسيت بالنصر على الحاجات اللي حاربتك جواك وقالت لك أنك ما تقدرش، وده النصر على الحرب اللي كانت جواك".