عمر كمال: بحاول خيري يبقى أضعاف ذنبي!

قال مطرب المهرجانات عمر كمال إنه سأل أحد علماء الدين حول مدى حرمانية أمواله التي يكسبها من الغناء، مشيرًا إلى أنه توقف عن الغناء في الكباريهات بعد التأكد من حرمانيتها، مؤكدًا أنه يحاول تقديم الخير ومساعدة الآخرين دائمًا للتخفف من ذنوبه.

أوضح "كمال" خلال حواره مع الإعلامية ياسمين عز في برنامج "كلام الناس" المذاع عبر شاشة "mbc مصر": "لما سألت فلوسي حلال ولا حرام، اتقالي: حسب الموقع اللي بتغني فيه والغرض منه.. يعني لو عملت فرح لاتنين بيتجوزوا في حلال ربنا، إيه الضرر اللي وقع، وعصيت ربنا في ايه؟".

أضاف: "بس بصراحة بطلت الغنا في الكباريهات خالص، ولو غنيت في (نايت) بحاول يبقى خيري أضعاف ذنبي؛ يعني أعمل لله وأساعد حد مختاج جلسة كيماوي، وبكده بحس أن النفع أكتر من الضرر، وبحس لما أعمل كده أني لما أقف مع ربنا هعرف أتفاهم معاه".

اختتم: "بيقولك (إن الله طيب لا يقبل إلا طيبا)، طيب أنت مش معاك تتبرع وأنا فلوسي حرام، الراجل يموت كده؟!".

عمر كمال بحاول خيري يبقى أضعاف ذنبي! المطرب عمر كمال برنامج كلام الناس