كلمات أغنية "الدلع والانبساط" لـ حودة بندق
طرح الفنان الشعبي حودة بندق أحدث أغانيه بعنوان "الدلع والانبساط"، على موقع الفيديوهات يوتيوب وجميع المنصات الموسيقية، وذلك احتفالا مع جمهوره بأعياد شم النسيم.
أغنية "الدلع والانبساط" من كلمات زياد حسن وألحان حودة بندق وإنتاج محمد علام كيوب ميوزك وتوزيع موسيقي رامي المصري.
وجاءت كلمات الأغنية كالتالي:
احنا اللي طيرنا الفرح فوق البساط
واحنا اللي بنخلي الزعل يبقى انبساط
أصل احنا دايمًا طول حياتنا ناس بُساط
ملناش قوي في جو الزعل عالفات
يا حظ اللي يعاشرنا حتى لو ليوم
يا حظ أي حد شافنا عالعموم
حلوين زيادة ويمكن أحلى من اللزوم
أصل احنا ملناش في النكد ولا الهموم
احنا مستوى وانتو في الهوى
جامدين بجد دي حقيقة
الدلع هنا كله عندنا
نخطف القلوب في دقيقة
احنا اللي خلّينا المكن يطلع قماش
ومروقين على حالنا ومزاجنا ببلاش
قفلنا عداد الدلع والانتعاش
والدنيا حلوة في عينّا ولا أي اندهاش
غير أي حد ودي الحقيقة مش كلام
واللي يعاشرنا يعرف إننا ناس تمام
وكويسين قلوبنا لسه بيضا خام
أصحاب طريقة مش بنركب عالسلام
احنا مستوى وانتو في الهوى
جامدين بجد دي حقيقة
الدلع هنا كله عندنا
نخطف القلوب في دقيقة
احنا مستوى وانتو في الهوى