جويرية حمدي لمنتقدي دراستها في الصين: أهلي واثقين فيا.. والأزهر أجاز سفري
ردّت جويرية حمدي، نجمة "ذا فويس كيدز" وصانعة المحتوى، على الانتقادات الموجهة لها بسبب سفرها بمفردها لاستكمال دراستها في الصين، مؤكدة أن أسرتها تثق في تربيتها وقدرتها على تحمّل المسؤولية، كما أشارت إلى أن الأزهر أجاز سفر الفتاة خارج البلاد بمفردها، بشرط توافر عوامل الأمان.
قالت "حمدي" في فيديو نشرته عبر حسابها الرسمي على موقع تبادل الصور والفيديوهات "إنستجرام": "بابي ومامي واثقين في بنتهم، واتربيت على الصح والغلط بحيث أخاف من ربنا قبل ما أخاف منهم.. كل ده عشان بدرس برة؟! وكأن أنا اللي استفتحت السفر بره، ومفيش هنا مصريين ومحجبات؟!".
أضافت: "الأزهر أجازوا أن البنت تسافر لوحدها طالما شروط الأمان متوفرة، ومسافرة تدرس مش تلعب وأهلها موافقين.. وبابي راجل محترم وتربيته الناس كلها بتشهد بيها وطلعوا بنت محترمة يثقوا فيها ويعرفوا أنها في غيابهم هتصونهم، ومطمنين عليا ومسافرني ومخليني أشوف حياتي".
اختتمت: "أنتم شايفين أني بحرض البنات أنها تستقل وتدرس وتعتمد على نفسها؟!! أنا لما بطلع أتكلم عن الدين، فده عشان الناس طالبة مني، وبتقول: بنحب نسمع لك، وقولي لينا عملتي كده إزاي.. فبتحطوني في خانة الفضيلة ورداء المثالية رغم أن عمري ما قلت أني شيخة وبشرع؟!".