من فيلم "برشامة".. كلمات أغنية "لم ينجح أحد إلا أنا" لـ مسلم
طرح المطرب مسلم أغنية جديدة تحمل اسم "لم ينجح أحد إلا أنا" عبر قناته الرسمية على موقع الفيديوهات الشهير "يوتيوب"، وهي الأغنية الدعائية لفيلم "برشامة" بطولة هشام ماجد وريهام عبد العفور وعدد من الفنانين، والذي يعرض حاليًا بالسينمات وحقق نجاحًا جماهريًا كبيرًا.
أغنية "لم ينجح أحد إلا أنا" من كلمات حازم إكس، ألحان أدرني، توزيع فلسطيني، مكس هشام البنا، ماستر نادر حمدي.
وجاءت كلمات أغنية "لم ينجح أحد" على النحو الآتي:
إلى جميع كاميرات المراقبة
اللي متبعاني ومراقبة
يا حبة تلاميذ على طلبة
اتعلموا من الأستاذ
ما بلاش تركزوا معايا
علشان هتتعبوا معايا
و تروحوا تحجزوا في عناية
تتسندوا على عكاز
أنا لوحدي في حتة لوحدي
اكمنني سابق ومعدي
تتقمصوا كده تضايقوا كده
مش ذنبي انكم مش قدي
انا لوحدي في حته تانيه
نمره اولي يا درجه تانيه
بتغيرو بقي معلش بقي
والله صعبتو عليا
لم ينجح احد الا انا
لم يفرح احد الا انا
لو في امتحان جدعنه
كلكم هتعيدوا السنه
لم ينجح احد الا انا
لم يكسب احد الا انا
عاملين عالم غلبانه
يا اوائل في النفسنه
انا سابق و محدش لاحق
انا الاول و انتوا ملاحق
مركزكو تاني طب حاولو تاني
برضو هفضل عنكو فارق
انا بطولي بيكم كلكو
و علي وضعي يا علي قدكوا
اللي بيجز خليه يجز
بس جزوا على مهلكوا
فيلم "برشامة" بطولة هشام ماجد، ريهام عبد الغفور، باسم سمرة، ومصطفى غريب، حاتم صلاح وفاتن سعيد، وعدد من ضيوف الشرف، وتأليف أحمد الزغبي، شيرين دياب، خالد دياب، ومن إخراج خالد دياب.
تدور أحداث فيلم "برشامة" في يوم امتحان اللغة العربية في لجنة الثانوية العامة (منازل)، حيث تتشابك مصائر مجموعة من الشخصيات داخل اللجنة، وسط فوضى وفساد وغش جماعي، ومحاولات من أهالي الطلاب لمساعدة أبنائهم على الغش بطرق مختلفة، في إطار كوميدي ساخر.