مجدي يعقوب: أفضل الموت على أن أكون وحدي

تحدث جراح القلب المصري مجدي يعقوب، عن تفاصيل إنسانية في حياته، كاشفًا عن رؤيته للوحدة، والحب، والسعادة، وتأثير المشاعر على صحة الإنسان.

أوضح "يعقوب" خلال لقائه ببرنامج "ABtalks" الذي يقدمه الإعلامي أنس بوخش، علاقته بالناس وخوفه من الوحدة: قائلاً "بخاف أني أكون لوحدي في العالم.. أنا بحب الناس جدًا، برغم أني بفضل أن أجلس لوحدي 4 ساعات كل يوم للتفكير، لكن لو سيبتني لوحدي بكون خايف جدا، أفضل الموت على أن أكون لوحدي".

كما تطرق للحديث عن زوجته الراحلة، قائلاً: "زوجتي كانت ألمانية واسمها ماريان، واتجوزنا لمدة 32 سنة، وفقدتها من 10 سنين. ماريان تفانت جدًا في تعليم الأولاد، ولغاية النهاردة كأنها عايشة معانا لأن تأثيرها لسه موجود. حزنت بعد وفاتها حزن شديد، وبعدين شعرنا بوجودها معانا، وبنحتفل بحياتها وسعيدين أننا عرفنا ست زي دي".

أوضح "يعقوب"، مفهوم السعادة وتأثيرها على الصحة، قائلاً: "كان فيه دراسات بتوري إن السعادة هي أهم حاجة في الحياة، وإن الناس اللي مش مبسوطة في شغلها أو بيتخانقوا مع الناس بيجيلهم نوبات قلبية. الحزن بيأثر على القلب بشكل حاد، متلازمة القلب المكسور هو حاجة حقيقية، لو واحد زعلان وحزين جدا، تلاقي قلبه يتضخم ويظهر شكله كأنه صدمة قلبية، لكنها مش كده، وممكن يموت من الحزن، لكن السعادة بتطول العمر".

اختتم حديثه، قائلًا: "أنا عمري دلوقتي 90 سنة، مبحبش السفر كتير في الطيارة إنما بحب أقابل الناس، وأحسن حاجة بالنسبة لي هي التواصل مع الناس، ده اللي بيخليني سعيد وده السبب اللي علشانه أنا لسه عايش".