باسم سمرة: محمد هنيدي محتاج ورق حلو!
كشف الفنان باسم سمرة عن رغبته في تكرار تعاونه مع الفنان محمد هنيدي، مشيرًا إلى أنه بحاجة إلى أعمال مختلفة تناسب تفكير الجيل الجديد.
قال "سمرة" خلال لقائه مع الفنانة إسعاد يونس في برنامج "صاحبة السعادة" المذاع عبر شاشة "dmc": "احنا المفروض نشوف الشباب اللي عايزين نضحكهم فكرهم بقى عامل إزاي، فهنيدي محتاج ورق".
أشار: "الكارثة اللي حاصلة دلوقتي إن بقى في حاجة اسمها ورشة.. زمان كان في مؤلف بيكتب فتحسي بطعم الرواية، دلوقتي 5 أو 6 أفراد بيكتبوا".
أضاف: "ده غير إن النجم ممكن يجيب حد يقوله إيفيهات، فبقت سلطة بالمهلبية.. أتمنى هنيدي يقدم لنا ورق حلو، وأنا بحبه اوي وعايز أشتغل معاه تاني".
كانت آخر أعمال باسم سمرة مع محمد هنيدي فيلم "عنتر ابن ابن ابن ابن شداد" عام 2017، من إخراج شريف إسماعيل.