لميس الحديدي بعد خطوبة نجلها: كنت بوصله المدرسة!
احتفلت الإعلامية لميس الحديدي، بالأمس بخطوبة نجلها نور، بحضور عدد كبير من النجوم والشخصيات البارزة.
من جانبها، عَبرت "الحديدي" عن سعادتها بخطوبة نجلها، حيث نشرت صور لها من حفل الخطوبة وعلقت كاتبة: "ساعات الكلام يعجز أن يعبر عن كل المعاني.. معاني الشكر والامتنان لكل الحب والسعادة اللي حاوطتني في خطوبة ابني نور أديب وحبيبتي القمر مريم السطوحي.. المشاعر الحقيقية بتبان وبتوصل وأنا امبارح كنت في طوفان حب حقيقي وصلني من كل الناس: عائلة مريم الجميلة اللي زودوا عيلتي أهلي وعائلة ابني وأصحابي اللي دايما سندي وفي ضهري، صوت صديق عمرى هشام عباس اللي ملا الدنيا فرح، سعادة.. ليلى علوى و إلهام شاهين وهاله صدقي.. كل الاتصالات اللي وصلتني من مصر ومن خارج مصر.. كلها كانت امبارح طاقه فرح امدني الله بها".
أضافت: "دايما بنسمع أغنية يا دبلة الخطوبة ونضحك ونفرح، وأنا بأقدم الشبكة كان جوايا مشاعر كتير مختلطة.. ده ابني نور الصغير اللي لسه كنت بوصله أتوبيس المدرسة الحمد لله كبر وبقى عريس.. و زي كل أم بتفتكر الطريق الطويل والحلم أن يصل ابنها لبر الأمان رغم رغم الصعاب.. دى حكاية كل أم وحكايتي".
اختتمت: "شكرا لكل كلمة حب، شكرا لكل ابتسامة وضحكة من القلب، شكرا إنكم شاركتوني فرحتي، شكرا للدعم اللي دايما محتاجاه وبیسندني.. ودايما الحمد لله الحمد لله الحمد لله في أفضالك ونعمك علي لا تحصى ويكفيني إنك رزقتني بابن بار وصالح وابنة جميلة بنت عيلة طيبة
