كلمات أغنية "ورا القضبان" لـ فريدة عبيد
سارة عبد الدايم
طرحت المطربة الشابة فريدة عبيد أغنية جديدة بعنوان "ورا القضبان" عبر قناتها الرسمية بموقع يوتيوب.
أغنية "ورا القضبان" من كلمات وألحان فريدة عبيد، مكس وماستر عمرو الخضري.
جاءت كلمات الأغنية كالتالي:
مش قادرة أفهم مشاعري لا أنا عارفة أكون معاك
ولا قادرة إني أفارقك ولا عارفة أمنع أذاك
برتاح في البعد عنك وأشتاق أكون معاك
وإزاي أبقى بحبك وإزاي برضى بأذاك
بخاف عليك ومنك تجرحني وأنا أحبك
زي الطير اللي أدمن يفضل ورا القطبان
كارهاك من كتر حبك بهرب ليك بس منك
وبأيدي بسلم قلبي للسجن والسجان
بطمن جوا حضنك وبدور علي الأمان
شايفاك زي الملايكة بس في صورة شيطان
وإزاي الحب يبقي بيدمر للهلاك
والجنة اللي بنيتها تقلب لنار معاك
بخاف عليك ومنك تجرحني وأنا أحبك
زي الطير اللي أدمن يفضل ورا القطبان
كارهاك من كتر حبك بهرب ليك بس منك
وبأيدي بسلم قلبي للسجن والسجان