ليلى علوي في يوم اليتيم: الرحمة والاحتواء أهم من المساعدة

وجهت الفنانة ليلى علوي رسالة إنسانية، وذلك بمناسبة يوم اليتيم، دعت خلالها إلى إعادة النظر في مفهوم اليُتم ليشمل كل طفل حُرم من الشعور بالأمان.

كتبت "علوي" عبر حسابها على "إنستجرام": "في يوم اليتيم،مش بس بنفتكر الأطفال اللي فقدوا أب أو أم.. لكن كمان بنفتكر كل طفل فقد الأمان، كل طفل نام على خوف كل طفل اتسرق منه حقه في الطفولة، في الضحكة، في اللعب في حضن دافي، وفي حياة بسيطة وآمنة زي باقي الأطفال".

أوضحت "يوم زي ده... قلوبنا لازم تكون مع كل طفل وحيد، مع كل طفل بيتمنى حضن، مع كل طفل مستني كلمة حلوة، ومع كل طفل الحرب أخدت من عينيه البراءة قبل أوانها".

تابعت: "وخلونا نفتكر إن أحن حاجة ممكن نقدمها لأي طفل مش بس المساعدة ... لكن الإحساس إنه مش لوحده. إن الدنيا لسه فيها رحمة، ولسه فيها قلوب قادرة تطبطب، وتسمع، وتحس، وتحتوي.. يارب احفظ أطفال العالم واكتب لهم السلام والرحمة، والعوض الجميل".