قصة مؤثرة.. طفلة مفقودة تعود لأسرتها بعد 12 عامًا
كشف المهندس رامي الجبالي، مؤسس صفحة أطفال مفقودة، عن تفاصيل عودة ندى الطفلة المفقودة منذ 12 عامًا لأسرتها.
قال "الجبالي" خلال مداخلة هاتفية مع الإعلامي شريف عامر في برنامج "يحدث في مصر" المذاع عبر شاشة "MBC مصر": " سنة 2014 خالتها كانت بعتاها تجيب أزازتين حاجة ساقعة، والبنت راحت اشتريتهم فعلا من البقال زي ما قال ومرجعتش من ساعتها".
أضاف: "في نفس اليوم كان في خناقة في الشارع وأهلها تخيلوا أن الخناقة كانت مدبرة عشان البنت تتخطف.. وإحنا بننشر القصة دي بقالنا 10 سنين".
تابع: "الست اللي خاطفتها قالت لبنتها الحقيقية أن البنت الصغيرة دي بنت أبوها من زوجة تانية وأنها هتربيها معاها بعد ما ماتوا، وكانت بتتعامل معاها بطريقة غريبة وكانت قافلة الشبابيك بقفل، ولو نزلت كانت تربط البنت من إيديها ورجليها بحجة أنها أمانة، وكانت بتحلق شعرها بالموس وبعد كده بقيت تنزلها معاها وتسيبها في البيت".
أكد: "كانت بتاخد بنتها والبنت اللي خطفتها بشهادة وفاة مزورة لجوزها وتلف على الجمعيات والمؤسسات تلم تبرعات، والأب ده مش ميت أصلا لكن طلعت في السجل المدني شهادة وفاة بنفس اسم الأب".
أشار إلى أنهم تأكدوا من أن زوج الخاطفة لا زال على قيد الحياة ومتزوج من أخرى بالفعل ولديه ابنة تدعى "فاطمة" لكنه توفي من 14 يومًا، كمان نجحوا في إعادة "ندى" لأسرتها بعد 12 عامًا من الغياب، وتعرفوا عليها على الفور، لأن ملامحها لم تتغير كثيرا عن طفولتها.
ندى الطفلة المفقودة التي عادت لأهلها بعد 12عاماً.. رامي الجبالي مؤسس صفحة أطفال مفقودة يروي تفاصيل القصة الغريبة
مجاناً على MBC شاهد
برنامج #يحدث_في_مصر يعرض من الثلاثاء - الخميس الساعة 10مساءً بتوقيت القاهرة على #MBCMASR
لمتابعة البث المباشرhttps://t.co/RTnAOFF7aE pic.twitter.com/OEbemBOvmJ