السيناريست محمد أشرف: احنا الدولة الوحيدة اللي بتسهر للصبح!
علق الستاند اب كوميديان والسيناريست محمد أشرف على قرار الغلق المبكر، مشيرًا إلى أهمية هذا القرار الذي سينعكس على الإنتاجية بشكلٍ إيجابي.
قال "أشرف" خلال مقطع فيديو نشره عبر حسابه الرسمي على موقع التواصل الاجتماعي وتبادل الصور والفيديوهات "إنستجرام": "فكروا فيها بجد وأدوها فرصة.. تخيلوا إن ده بقى العادي، إننا بقينا بلد بتنام بدري، واليوم عندنا في مصر والموظفين وكل حاجة بتشتغل بدايةً من 6 الصبح".
تابع: "تخيل شغلك يبدأ 6 الصبح، تبصم في الشركة 6 الصبح وتخلص الساعة 2 بعد الضهر.. وفكرة إننا كلنا ننام بالليل دي طلعت أهو موفرة في الطاقة ومتأكد مليون % إنها هتنعكس بشكل إيجابي جدًا على صحة ومزاج الأفراد فبالتالي لما الشعب صحته تبقى كويسة ومزاجه كويس فالإنتاجية هتزيد وحياتنا هتتظبط".
أضاف: "تعالى نجرب هنخسر إيه؟ مش يمكن ده ينعكس علينا بشكل إيجابي؟ مش يمكن نبقى ناس أصحاء وكويسين.. الفساد كله بيحصل بالليل يا جماعة، تعالوا نتخيل إن كل المحلات والحاجات بتقفل بالليل.. ونوم يا جماعة زي باقي دول العالم، احنا الدولة الوحيدة اللي بتسهر طول الليل للصبح، كل الدنيا برا بالليل بييجي بيناموا".
أكمل: "تعالى نجرب ننام بدري..
ونداء للحكومة فكروا فيها بجد لو لقيتوها حلوة ومجدية تعالى نطبقها ولو شهرين إن يوم الشغل عندنا والمدارس وكل حاجة تبدأ 6 وتخلص 2".
جدير بالذكر، تعاون محمد أشرف مع وليد المغازي ومصطفى عباس "طوفي" في كتابة فيلم "فيها إيه يعني؟!"، وهو من بطولة ماجد الكدواني وغادة عادل ومصطفى غريب وأسماء جلال وريتال عبد العزيز، ومن إخراج عمر رشدي حامد.